گرمی اور وقفے وقفے سے بارشوں سے گلیشیئرز کے پگھلاؤ کا خطرہ، پی ڈی ایم اے نے جھیلوں کے حجم اور پانی کی سطح میں اضافے کا خدشہ ظاہر کردیا۔
چترال، اپر و لوئر دیر، سوات، اپر و لوئر کوہستان اور مانسہرہ کی انتظامیہ کو الرٹ جاری کردیا گیا۔
گلاف مقامات کی نگرانی اور بروقت وارننگ یقینی بنانے کی ہدایت، پی ڈی ایم اے کا کہنا ہے کہ نشیبی علاقوں کے مکینوں کو گلاف کے خطرے سے آگاہ کیا جائے۔
پی ڈی ایم اے کے مطابق گرمی اور 31 اگست سے 4 ستمبر تک وقفے وقفے سے بارشوں کے باعث گلیشیئر پگھلنے کا خطرہ ہے جس سے گلیشیئر والی جھیلوں کے حجم اور پانی کی سطح میں اضافے کا خدشہ ہے۔
حساس مقامات میں انخلا کی مشقیں اور محفوظ مقامات کو تیار رکھنے کی ہدایت جاری کر دی گئی ہیں۔
Post your comments