امریکی میڈیا سروے میں شہریوں کی بڑی تعداد کا کہنا ہے کہ امریکی صدر ڈونلڈ ٹرمپ ذہنی، جسمانی طور پر مؤثر خدمات انجام دینے کے اہل نہیں ہیں۔
امریکی میڈیا رپورٹس کے مطابق حالیہ سروے میں زیادہ تر امریکیوں کا خیال ہے کہ امریکی صدر ٹرمپ ذہنی اور جسمانی طور پر مؤثر طریقے سے بطور کمانڈر ان چیف خدمات انجام دینے کے اہل نہیں ہیں۔
واشنگٹن پوسٹ، اے بی سی نیوز اور اپسوس کے سروے کے مطابق 59 فیصد کی رائے میں موجودہ امریکی صدر کی ذہنی صلاحیت ملکی قیادت کے قابل نہیں۔
دوسری جانب 40 فیصد امریکیوں کی رائے میں ڈونلڈ ٹرمپ ملکی قیادت کے لیے مکمل اہل ہیں۔
سروے میں 1 فیصد امریکیوں نے سوال کا کوئی جواب نہیں دیا۔
واضح رہے امریکی صدر ڈونلڈ ٹرمپ کا کہنا ہے کہ وہ آج بھی خود کو ایسا ہی محسوس کرتے ہیں جیسا پچاس سال پہلے محسوس کرتے تھے۔
امریکی صدر ڈونلڈ ٹرمپ نے کہا ہے کہ ایران جنگ ختم ہونے پر پیٹرول کی قیمتیں تیزی سے کم ہوجائیں گی۔ وہ آج بھی خود کو ایسا ہی محسوس کرتے ہیں جیسا پچاس سال پہلے محسوس کرتے تھے۔
واشنگٹن میں بزنس سمٹ سے خطاب کرتے ہوئے ڈونلڈ ٹرمپ نے کہا کہ آدمی کی صحت خراب ہو تو پتا چل جاتا ہے جیسے پچھلی امریکی انتظامیہ میں پتا چل جاتا تھا۔
ان کا کہنا تھا کہ چین کے صدر سے ملاقات کا منتظر ہوں، چین کا دورہ اہم ہوگا۔
امریکی صدر نے کہا کہ ایران کے 159 جہاز ڈبو دیے، میری تو خواہش تھی کہ ان پر قبضہ کیا جاتا۔
انہوں نے مزید کہا کہ ویت نام میں ہم نے 19 سال گزارے، کوریا میں سات سال گزارے، اب ایران کے معاملے میں لوگ کہتے ہیں کہ اتنی دیر کیوں ہو رہی ہے۔
ٹرمپ ایران جنگ سے متعلق صحافیوں کے سوالوں کے جواب دیے بغیر تقریب سے روانہ ہوگئے۔
Post your comments