مانٹریال ۔۔خصوصی رپورٹ ۔۔۔ مونٹریال میں مقامی ریسٹورنٹ خان جی کے پروپرائٹر اسد علی کی جانب سے امثال 10 محرم یوم عاشورہ کو پورا دن عزاداروں کے لیے فاقہ کشی کا اہتمام کیا گیا ۔ تفصیلات کے مطابق خان جی ریسٹورنٹ نے امسال نیاز نذر اور شربت کا اہتمام کیا اور عاشورہ محرم کے دن ریسٹورنٹ کھلنے کے بعد سے رات گئے تک عزاداران حسین کے لیے فاقہ کشی اور تمام مسلمانوں کے لیے نیاز کا حلیم نان اور شربت کا اہتمام کیا ۔ کثیر تعداد میں مقامی شہریوں نے اسد علی کے ریسٹورنٹ پر پہنچ کر نیاز حاصل کی کچھ اپنے گھر بھی لے گئے اور بہت سارے لوگوں نے وہیں پر نیاز نوش کی۔
کسی اسلامی بڑے دن کے موقع پر خانجی ریسٹورنٹ نے ایک بہترین روایت کا اغاز کیا ہے بہت سے دوستوں نے ریسٹورنٹ پر اس بات کا اظہار کیا ۔ واضح رہے کہ اسد علی اس سے پہلے عید میلاد النبی کے موقع پر بھی اپنے ریسٹورنٹ کی جانب سے لنگر اور نظر نیاز کا انتظام کرتے رہے ہیں ۔
آج کل کے مہنگائی کے اس دور میں مذہبی حوالے سے ایثار کی ایسی مثالیں کم ہی ملتی ہیں
Post your comments