بالی ووڈ جوڑی ابھیشیک بچن اور ایشوریا رائے نے حال ہی میں اپنی شادی کی 19ویں سالگرہ منائی ہے۔ اس موقع پر ابھیشیک نے ایک انٹرویو میں ایشوریا کو اپنا سول میٹ قرار دیا اور خوشگوار ازدواجی زندگی کا راز بتایا۔
ابھیشیک نے بتایا کہ وہ پہلی بار ایشوریا سے 2000ء کی فلم ’ڈھائی اکشر پریم کے‘ کے دوران ملے تھے، لیکن محبت کا آغاز فلم ’امراؤ جان‘ کے سیٹ پر ہوا۔
انہوں نے کہا، ’آج ایش صرف میری بیٹی آرادھیا کی ماں نہیں بلکہ میری سول میٹ بھی ہیں۔ 19 سال کا یہ سفر ایک خواب جیسا رہا ہے۔‘
نامور اداکار نے کامیاب شادی کا راز بتاتے ہوئے کہا، ’ہر رات سونے سے پہلے اپنی بیوی سے تین بار ’’سوری‘‘ کہنا نہ بھولیں۔‘
ابھیشیک اور ایشوریا نے 20 اپریل 2007 کو شادی کی تھی اور 2011 میں بیٹی آرادھیا کی پیدائش کے بعد والدین بنے۔
دونوں اپنی نجی زندگی کو زیادہ تر میڈیا سے دور رکھتے ہیں۔
Post your comments