ایران نے آبنائے ہرمز کھولنے کا اعلان کردیا، جس کے بعد تجارتی جہازوں کی آمد و رفت بحال کردی گئی۔
ایرانی وزیر خارجہ عباس عراقچی کا کہنا ہے کہ آبنائے ہرمز سے تمام تجارتی جہازوں کی آمد و رفت کو جنگ بندی کی باقی مدت کے لیے مکمل طور پر کھلا قرار دیا گیا ہے۔
عباس عراقچی نے سوشل میڈیا پر جاری بیان میں کہا کہ لبنان میں جنگ بندی کے بعد آبنائے ہرمز سیزفائر کی مدت کے دوران تجارتی بحری جہازوں کے لیے کھلی رہے گی۔
ایرانی وزیر خارجہ نے کہا کہ آبنائے ہرمز کمرشل شپنگ کے لیے مکمل طور پر کھول دی گئی، جنگ بندی کے دوران جہازوں کی آمد و رفت جاری رہے گی۔
ہرمز سے گزرنے والے بحری جہازوں کو ایرانی پورٹ اور میر ی ٹائم آرگنائزیشن کے طے کردہ راستوں سے گزرنا ہوگا۔
پاکستان کا ایک اور جہاز کویت سے روانہ ہوکر ہرمز کیجانب رواں دواں ہے۔
شپنگ ذرائع کے مطابق خیرپور جہاز کل آبنائے ہرمز سے گزرے گا، خیرپور اور شالامار نامی جہاز اتوار کے روز آبنائے ہرمز میں داخل ہوئے تھے۔
شپنگ ذرائع کے مطابق شالامار جہاز اس وقت خلیج اومان سے گزر رہا ہے۔ شپنگ ذرائع کے مطابق خیرپور جہاز کل آبنائے ہرمز سے گزرے گا۔
واضح رہے کہ امریکی ناکہ بندی کے باوجود پاکستان کے ایک آئل ٹینکر نے آبنائے ہرمز کو عبور کر لیا۔
بلوم برگ کے مطابق امریکی ناکہ بندی کے بعد خام مال کے ساتھ آبنائے ہرمز سے نکلنے والا یہ پہلا جہاز ہے۔ پاکستانی جھنڈے والا ٹینکر گزشتہ ہفتے کے آخر میں خلیج فارس میں داخل ہوا تھا۔
شپنگ ذرائع کے مطابق پاکستانی جہاز اس وقت آبنائے ہرمز سے واپس کراچی پورٹ آ رہا ہے، جہاز میں تقریبا 8 کروڑ لیٹر خام تیل ہے، جو 2 دن میں کراچی پورٹ پہنچے گا۔
Post your comments