پاکستان انسٹیٹیوٹ فار کنفلیکٹ اینڈ سکیورٹی اسٹڈیز (پی آئی سی ایس ایس) کی ماہانہ سکیورٹی رپورٹ کے مطابق دو ماہ کی بہتری کے بعد مئی 2026ے دوران ملک کی سکیورٹی صورتحال ایک بار پھر خراب ہوئی، ایک ماہ میں 128دہشتگرد حملے ریکارڈ ہوئے ، ماہ مئی کے دوران 71شہری، 68سکیورٹی اہلکار اور امن کمیٹیوں کے 6 ارکان شہید ہو گئے ،خودکش حملوں میں اچانک اضافہ سب سے تشویشناک پہلو ، 6 خودکش حملے ریکارڈ کئے گئے ۔پی آئی سی ایس ایس کے اعدادوشمار کے مطابق مئی میں ملک بھر میں دہشتگردی کے 128 حملے ریکارڈ کیے گئے جبکہ اپریل میں یہ تعداد 101 تھی، یوں حملوں میں 27 فیصد اضافہ ہوا۔ گزشتہ دو ماہ کے دوران حملوں میں نسبتاً کمی دیکھی گئی تھی، تاہم مئی میں یہ رجحان الٹ گیا اور دہشتگرد گروہوں نے دوبارہ اپنی سرگرمیاں تیز کر دیں۔حملوں میں اضافے کے باعث جانی نقصان میں بھی نمایاں اضافہ دیکھنے میں آیا۔
Post your comments