وزیرِ اعظم شہباز شریف جولائی کے پہلے ہفتے میں ایران کا دورہ کریں گے۔
ذرائع کے مطابق وزیرِ اعظم شہباز شریف آیت اللّٰہ خامنہ ای کی نمازِ جنازہ میں شرکت کریں گے۔
دورۂ ایران مکمل کرنے کے بعد وزیرِ اعظم ترکیہ بھی جائیں گے۔
واضح رہے کہ چند روز پہلے ایوان میں خطاب کے دوران وزیرِ اعظم نے دورہ ایران کا اعلان کیا تھا۔
یاد رہے کہ ایران کے شہید رہنما سپریم لیڈر علی خامنہ 28 فروری کو ایران پر ابتدائی امریکی حملے میں شہید ہوئے تھے۔
شہید آیت اللّٰہ سید علی خامنہ ای کی نماز جنازہ اور تدفین عاشورہ کے بعد ہو گی۔
ایرانی خبر ایجنسی کے مطابق شہید آیت اللّٰہ خامنہ ای کی نماز جنازہ اور تدفین کا حتمی وقت تاحال مقرر نہیں کیا گیا۔
خبر ایجنسی کا کہنا ہے کہ متعلقہ ہیڈکوارٹرز شہید آیت اللّٰہ خامنہ ای کی تدفین اور نماز جنازہ سے متعلق تفصیلات کا باضابطہ اعلان کرے گا۔
Post your comments