ترک صدر طیب اردوان نے کہا ہے کہ اسرائیل کی جارحیت پوری دنیا کے لیے خطرہ بن چکی ہے۔
ترک پارلیمنٹ میں خطاب کرتے ہوئے طیب اردوان نے کہا کہ شام اور لبنان پر اسرائیلی حملے ترکیے کے لیے بھی خطرہ بن رہے ہیں۔
انہوں نے کہا کہ اسرائیلی غنڈہ گردی نہ روکی گئی تو نتائج پورے خطے اور تمام انسانیت کو بھگتنا پڑیں گے۔
ترک صدر نے کہا کہ اسرائیلی جارحیت روکنی چاہیے، یہ ذمہ داری انسانیت اور انسانی ہمدردی کے محاذ کی ہے، تاریخ دوبارہ دُہرانے کی اجازت نہیں دی جانی چاہیے۔
تازہ ترین امریکی حملوں کے بعد ایرانی وزیر خارجہ عباس عراقچی نے ترک وزیرِ خارجہ ہاکان فدان اور سعودی وزیرِ خارجہ فیصل بن فرحان سے علیحدہ علیحدہ ٹیلی فونک رابطہ کیا ہے اور خطے کی تازہ صورتِ حال پر بات چیت کی ہے۔
ایرانی وزارتِ خارجہ کے مطابق عباس عراقچی نے جنوبی ایران میں امریکی حملوں کی مذمت کرتے ہوئے انہیں ایران کی خود مختاری اور علاقائی سالمیت کی خلاف ورزی قرار دیا ہے۔
انہوں نے کہا ہے کہ ایران کو اپنے دفاع کا مکمل حق حاصل ہے، ان حملوں کے جواب میں ایرانی مسلح افواج کی جوابی کارروائیاں جائز ہیں۔
Post your comments