Nawaipakistan.com

وزیراعظم محمد شہباز شریف نے سعودی عرب میں شہریوں اور توانائی کی تنصیبات پرحوثیوں کے بزدلانہ حملوںکی شدید ترین مذمت کرتے ہوئے کہاہے کہ یہ حملے نہ صرف بے گناہ انسانی جانوں کو خطرے میں ڈالتے ہیں بلکہ علاقائی امن و سلامتی کے لیے بھی سنگین خطرہ ہیں۔ منگل کوسماجی رابطے کی ویب سائٹ پر اپنے بیان میں وزیراعظم نے کہا کہ پاکستان سعودی فرمانروا شاہ سلمان ‘ولی عہد شہزادہ محمد بن سلمان اور سعودی عوام کے ساتھ غیر متزلزل یکجہتی کا اظہار کرتا ہے‘ہم سعودی عرب کی خودمختاری‘سلامتی اور علاقائی سالمیت کے لیے اپنی مستقل حمایت کا اعادہ کرتے ہیں۔