امریکی اخبار کے مطابق امریکا کے صدر ڈونلڈ ٹرمپ نے فوج کو ایران پر تازہ حملوں کا حکم دیدیا، امریکا اور اسرائیل ایران کی توانائی تنصیبات پر حملے کا منصوبہ بنا رہے ہیں۔
امریکی اخبار کا کہنا ہے کہ یہ حملے اس ویک اینڈ پر متوقع ہیں جو کئی روز جاری رہ سکتے ہیں اور ان کا مقصد ایران کو ہتھیار ڈالنے پر مجبور کرنا ہے۔
اس سے پہلے صدر ٹرمپ نے کابینہ میٹنگ کے دوران میڈیا سے بات کرتے ہوئے کہا تھا کہ ایرانی انہیں اشتعال دلارہے ہیں اور ان کا یہ اعتماد کمزور پڑتا جارہا ہے کہ ایران سے ڈیل کی جاسکتی ہے۔
امریکی صدر نے الزام لگایا کہ ایرانی جھوٹ بولتے ہیں، اپنے وعدوں سے پھر جاتے ہیں اور غلط نمائندگی کرتے ہیں۔
صدر ٹرمپ کا کہنا تھا کہ وہ ایران پر سخت فوجی حملوں کی منصوبہ بندی کررہے ہیں تاکہ ایران مذاکرات کی میز پر آئے۔
انہوں نے دعویٰ کیا کہ اگر امریکا نے ایران پر سخت حملے کیے تو قدامت پسند بتدریج کمزور ہوجائیں گے۔
امریکا کا ایف تھرٹی فائیو لڑاکا طیارہ کیلی فورنیا کے شہر سان ڈیاگو میں گر کر تباہ ہوگیا۔ پائلٹ نے پیرا شوٹ کی مدد سے چھلانگ لگا کر جان بچالی۔
امریکی میڈیا کےمطابق حادثہ مقامی وقت کے مطابق صبح دس بجے ہوا۔ طیارہ ایئربیس میں جس مقام پر گرا وہاں آگ بھڑک اٹھی۔ حادثے کی وجہ نہیں بتائی گئی۔
ایف تھرٹی فائیو امریکا کا جدید ترین لڑاکا اسٹیلتھ طیارہ ہے جو کہ عام طیارے کی طرح اور عمودی انداز سے یعنی ہیلی کاپٹر کی طرح بھی لینڈ کرسکتا ہے۔
پچاس فٹ لمبا یہ طیارہ امریکی میرینز، برطانیہ اور اٹلی کی فضائیہ کے زیر استعمال ہے اور اس کی مالیت ایک سو دو ملین ڈالر ہے۔
Post your comments