سعودی عرب میں یمن کی حوثی جماعت انصار اللّٰہ کے حملوں میں 73 افراد زخمی ہو گئے۔
سعودی اتحادی فورس کے مطابق زخمیوں میں بچے اور خواتین بھی شامل ہیں، حوثیوں نے سعودی شہروں ابہا، خمیس، مشیط، نجران اور جازان میں حملے کیے۔
سعودی اتحادی فورس کا کہنا ہے کہ حوثیوں نے سعودی شہروں میں شہری اور اقتصادی تنصیبات کو نشانہ بنایا، حوثی حملوں کا سخت جواب دیں گے۔
اس سے قبل گزشتہ اتوار کو پاکستان اور سعودی عرب کے وزرائے خارجہ نے قریبی رابطہ برقرار رکھنے پر اتفاق کیا تھا۔
ترجمان دفتر خارجہ کے مطابق نائب وزیرِ اعظم اسحاق ڈار کی سعودی وزیر خارجہ شہزادہ فیصل بن فرحان سے ٹیلیفونک گفتگو ہوئی تھی۔
یمنی فورسز نے حوثیوں کے خلاف جوابی کارروائیاں کر کے صنعا کو دوبارہ حاصل کرنے کا اعلان کر دیا۔
یمنی نائب وزیرِ دفاع میجر جنرل سمیر الصبری نے کہا ہے کہ حوثیوں سے صنعا کو دوبارہ حاصل کرنے کا فیصلہ کیا ہے۔
عرب میڈیا کے مطابق حکومتی فورسز اور حوثیوں کے درمیان البیضا اور الجوف صوبوں میں لڑائی میں شدت آ گئی۔
حوثیوں کا کہنا ہے کہ الجوف کے علاقے الحزم میں جیل پر حملے میں 7 افراد ہلاک ہو گئے۔
دوسری جانب سعودی اتحادی فورس نے بھی حوثیوں کو سخت جواب دینے کا اعلان کیا ہے۔
سعودی اتحادی فورس کا کہنا ہے کہ حوثیوں نے سعودی شہروں میں شہری اور اقتصادی تنصیبات کو نشانہ بنایا ہے، حوثی حملوں کا سخت جواب دیں گے۔
Post your comments