ایرنی میڈیا نے اہم ذرائع کے حوالے سے دعویٰ کیا ہے کہ اگر اسرائیل نے جنگ بندی کی خلاف ورزی جاری رکھی تو ایران عبوری جنگ بندی معاہدے سے دستبردار ہوجائے گا۔
ایرانی اہلکار نے کہا کہ اگر امریکا نے اپنے اسرائیل کو قابو نہ کیا تو ایران اسکی غیرمعمولی مدد کے لیے آئے گا اور طاقت کے استعمال سے سبق سکھائے گا۔
ایرانی اہلکار نے یہ بھی کہا کہ بدھ کو ہوئی جارحیت کا بدلہ لینے کے لیے اہداف مقرر کیے جاچکے ہیں۔
قبل ازیں ایرانی پارلیمنٹ کے اسپیکر محمد باقر قالیباف کا کہنا تھا کہ بات چیت سے پہلے ہی 10 نکاتی تجاویز کے 3 اہم نکات کی خلاف ورزی کر دی گئی ہے۔
انہوں نے کہا کہ ایران کی فضائی حدود میں ڈرون کی دراندازی ہوئی، ایران کے یورینیئم افزودگی کے حق کی نفی کی گئی اور لبنان میں بھی جنگ بندی کی خلاف ورزی کی گئی۔
ایران نے آبنائے ہرمز کو مکمل بند کرنے کا اعلان کردیا، ایرانی میڈیا کے مطابق آبنائے ہرمز کے کچھ حصوں میں سرنگوں کا خدشہ ہے۔
ایرانی میڈیا کے مطابق ایرانی پورٹس اینڈ میری ٹائم آرگنائزیشن نے متبادل راستے متعین کردیے ہیں۔
ایرانی پورٹس اینڈ میری ٹائم آرگنائزیشن نے کہا ہے کہ آبنائے ہرمز سے گرزنے کے لیے پاسداران سے تعاون کرنا ہوگا۔
دوسری جانب امریکی جریدے کے مطابق ایران جہازوں سے ٹول وصول کرے گا، اس حوالے سے ایران نے ثالثوں کو آگاہ کردیا ہے۔
Post your comments