جماعت اسلامی اور تاجروں کی اپیل پر ہفتے کے روز اہل غزہ سے اظہار یکجہتی کیلئے ملک بھر میں شٹر ڈائون ہڑتال کی گئی، کراچی، لاہور، اسلام آباد ، راولپنڈی اور کوئٹہ سمیت ملک کے بیشتر شہروں میں کاروباری مراکز بند رہے،مختلف شہروں میں وکلا نے بھی مکمل ہڑتال کی اور عدالتی امور کا بائیکاٹ کیا، امیر جماعت اسلامی حافظ نعیم الرحمٰن نے منصورہ میں پریس کانفرنس سے خطاب کرتے ہوئے کہا ہے کہ ہفتہ کی کامیاب ہڑتال نے ثابت کر دیا پوری قوم اسرائیل اور بھارت کے خلاف ہے۔ حکومت ہڑتال سے سبق سیکھے، قوم میں یکجہتی اور اعتماد پیدا کرنے کی کوشش کرے، حکمرانوں کے اقدامات درست سمت میں ہونے چاہییں، بھارت کی آبی جارحیت اور دیگر اشتعال انگیز اقدامات کے خلاف سیاسی سٹیک ہولڈرز کا اجلاس بلایا جائے۔اہل فلسطین کے حق میں عوامی موبلائزیشن جاری رہے گی، 16مئی کو ایبٹ آباد اور 18مالاکنڈ میں غزہ ملین مارچ کریں گے۔ دوسری جانب کراچی میں بھی فلسطینیوں سے اظہار یکجہتی کے لئے شٹر ڈاؤن ہڑتال کی جا رہی ہے، تمام چھوٹے بڑے کاروباری مراکز اور دکانیں بند جبکہ سڑکوں پر ٹریفک بھی معمول سے کم رہا۔کورنگی كراسنگ روڈ پر سیاسی جماعت کی جانب سے فلسطین کے حق میں دھرنا دیا گیا جس کے باعث سڑک ٹریفک کے لئے بند رہی ، مظاہرین کی جانب سے سڑکوں کو ٹائر جلا کر ٹریفک کیلئے بند کر دیا گیا ہے۔ٹریفک پولیس کا کہنا ہے کہ دھرنے کے باعث روڈ بند ہونے کی وجہ سے ٹریفک کو گودام چورنگی اور ناصر جمپ سے چمڑا چورنگی بھیجا گیا ۔ تفصیلات کے مطابق امیر جماعت اسلامی حافظ نعیم الرحمن نے کہا کہ پہلگام واقعہ پر دفترخارجہ کا ردعمل دیر سے آیا جس کا فائدہ نئی دہلی کوہوا۔ ہم تصادم نہیں چاہتے تاہم کسی بھی جارحیت کا پوری قوت سے جواب دیا جائے گا۔ فوج تیار رہے، ہم ایک نیوکلیئر ریاست ہے۔ پاکستان کو کشمیریوں کا مقدمہ بھرپور طریقے سے لڑنا چاہیے، اس کے لیے تمام ڈپلومیٹک چینلز استعمال کیے جائیں۔ انہوں نے بتایا کہ اسلام آباد، لاہور، کراچی، پشاور، کوئٹہ سمیت ملک کے تمام بڑے چھوٹے بڑے شہروں میں مکمل شٹرڈاؤن تھا۔ جماعت اسلامی نے گلگت بلتستان اور آزاد کشمیر میں ہڑتال کی اپیل نہیں کی تھی اس کے باوجود وہاں کے عوام نے بھی کاروبار بند رکھے۔ تاجروں، صنعت اور کاروباری حضرات کو خراج تحسین پیش کرتا ہوں۔
Home / Breaking News, News, Pakistan / جماعت اسلامی تاجروں کی اپیل پر اہل غزہ سے اظہار یکجہتی کیلئے ملک بھر میں شٹر ڈاؤن ہڑتال
جماعت اسلامی تاجروں کی اپیل پر اہل غزہ سے اظہار یکجہتی کیلئے ملک بھر میں شٹر ڈاؤن ہڑتال


Weekly E Paper

Article
ERHAN AFACAN: From Culinary Roots to Revenue-Driven Hospitality Leadership
Posted in: Article, NewsNaeem Ul Hassan Erhan Afacan is one of the few professionals in the ever-evolving hospitality sector who have both creative excellence and business acumen. Erhan’s journey from humble culinary beginnings in Turkey to managing multimillion-dollar operations in Qatar not only exemplifies his culinary prowess but also his strategic mindset for turning culinary artistry into substantial […]
Read Moresports
پاکستان ہاکی ٹیم فائنل کھیلنے کے بعد وطن واپس پہنچ گئی
Posted in: News, Sportsپاکستان ہاکی ٹیم نیشنز ہاکی کپ کا فائنل کھیلنے کے بعد ملائیشیا سے وطن واپس پہنچ گئی ہے، ایئر پورٹ پر کھلاڑیوں کا عزیز و اقارب نے استقبال کیا۔ قومی ہاکی ٹیم کے ہیڈ کوچ طاہر زمان اور کپتان حماد بٹ نے ایئر پورٹ کے باہر میڈیا سے گفتگو کی اور کہا کہ لڑکوں نے […]
Read More
Post your comments