Nawaipakistan.com

وزیراعظم شہباز شریف کا عوام کو بڑا ریلیف، پٹرولیم مصنوعات کی قیمتوں میں مسلسل چوتھی بار کمی کی منظوری دیدی گئی۔پٹرول 10اور ڈیزل کی قیمت میں 13.06روپے لیٹر کمی کی گئی جس کے بعد پٹرول کی نئی قیمت 249.10روپے ، ہائی اسپیڈ ڈیزل 249.69، لائٹ ڈیزل 141.93روپے فی لیٹر مقرر ہوگئی ، مٹی کا تیل بھی 11روپے 15پیسے سستا ہوگیا، نئی قیمتوں کا نوٹیفکیشن جاری ہوگیا اور اطلاق رات 12بجے سے ہوگیا۔ ادھر ذرائع کا کہنا ہے کہ وزیراعظم کو پٹرول مصنوعات پر ریلیف پورا نہ دینے کا مشورہ دیا گیا، ذرائع، شہباز شریف نے اتفاق نہ کرتے ہوئے کہا کہ عام آدمی گزشتہ کئی برس سے مہنگائی کا شکارہے ریلیف پورا پورا ملنے چاہئے۔ تفصیلات کے مطابق وزیراعظم شہباز شریف کا عوام کو بڑا ریلیف، پٹرولیم مصنوعات کی قیمتوں میں مسلسل چوتھی بار کمی کی منظوری دیدی گئی۔ذرائع کے مطابق پیٹرول کی قیمت میں 10روپے فی لیٹر ، ڈیزل میں 13 روپے 6پیسے ، مٹی کے تیل میں 11روپے 15پیسے ۔ لائٹ ڈیزل آئل کی قیمت میں 12روپے 12پیسےفی لیٹر کمی کردی گئی ہے ۔ پٹرول کی قیمت 10روپے فی لٹر کمی کے بعد 249.10روپے فی لٹر ، ہائی سپیڈ ڈیزل کی قیمت 13 روپے 6 پیسے کمی کے بعد 249.69روپے ۔ لائٹ ڈیزل آئل کی قیمت 12روپے 12پیسے فی لٹر کم ہو کر141.93روپے ، مٹی کے تیل کی قیمت 11 روپے15پیسے فی لٹر کم ہو کر 158.47روپے فی لٹر ہوگئی ہے۔پیٹرولیم مصنوعات کی نئی قیمتوں کا اطلاق رات 12بجے سے ہوگیا۔ معتبر ذرائع سے معلوم ہوا ہے کہ وزیر اعظم کو مشورہ دیا گیا تھا کہ وہ پورا ریلیف نہ دیں اور اس کا ایک حصہ اپنے پاس رکھیں لیکن وزیر اعظم نے اس بات سے اتفاق نہیں کیا اور کہا کہ عام آدمی پہلے ہی پچھلے کچھ برسوں سے مہنگائی کا شکار ہے اس لیے انہیں ریلیف پورا پورا ملنا چاہیے۔