چترال: ایس پی انوسٹی گیشن لوئر چترال محمد ستار خان مدت ملازمت مکمل کرکے ملازمت سے سبکدوش ہویےجن کے اعزاز میں پولیس لاین چترال میں الوداعی تقریب کا اہتمام کیا گیا۔
لوئر چترال پولیس کی جانب سے محکمہ سے ریٹائرڈ ہونیوالے فرض شناس پولیس افیسر ایس۔پی محمد ستار خان کے اعزاز میں الوداعی تقریب کا انعقاد کیا گیا۔ اس سادہ مگر پروقار تقریب میں ریٹائرڈ ہونے والے پولیس افیسر کے اعزاز میں خصوصی افطار پارٹی کا بھی اہتمام کیا گیا ۔
تقریب میں ڈسٹرکٹ پبلک پراسیکیوٹر لوئر چترال ایاز زرین، ڈی۔ایس۔پی ہیڈ کوارٹرز اقبال کریم، ڈی۔ایس۔پی سرکل چترال سجاد حسین، ڈی۔ایس۔پی۔سرکل بمبوریت حسن اللہ، ڈی۔ایس۔پی سرکل دروش احمد عیسیٰ، ڈی۔ایس۔پی سرکل لٹکوہ تمیز الدین، ڈی۔ایس پی سکیورٹی لاوی پاور پروجیکٹ مبارک احمد، ڈی۔ایس۔پی ٹوارزم پولیس شیر راجہ، تمام ایس ایچ اووز، ایڈیشنل ایس ایچ اوز، آفس سٹاف و دیگر اعلی افسراں سمیت سول سوسائٹی کے نمائندوں نے بھی شرکت کی۔
تقریب سے خطاب کرتے ہوئے سبکدوش ہونے والے ایس پی محمد ستار خان نے کہا کہ پولیس میں رہتے ہوئے شوق اور لگن اور ایمانداری سے اپنے فرائض سر انجام دیے انہوں نے کہا کہ لوئر چترال پولیس ایک پروفشنل پولیس ہے ہر جگہ ہر وقت جیسے بھی حالات ہوں میں نے اس کو ہمیشہ پروفشنل پایا۔ امید ہے کہ ائیندہ بھی اسی طرح پروفشنل طریقے سے اپنی عوام کی خدمت کرتے رہینگے۔
تقریب سے دیگر شرکاء نے بھی اپنے خیالات کا اظہار کیا اور ایس پی محمد ستار خان کے ملازمت کے کامیاب دورانیہ کو سراہا۔
الوداعی تقریب کے آخر میں ریٹائرڈ ہونیوالے پولیس افیسر کو تحائف پیش کئے گئے اور باوقار طریقے سے محکمہ پولیس سے رخصت کیا گیا۔
محمد ستار خان کا تعلق ضلع اپر چترال کے تحصیل تورکہو سے ہے وہ انیس سو تریاسی ۱۹۸۳ کو پولسی میں بطور سپاہی بھرتی ہوا تھا مگر اپنی قابلیت اور لگن کے بناء پر ترقی کرتے ہویے محتلف تھانوں میں بطور ایس ایچ او بھی خدمات سرانجام دیے۔ ترقی کرتے ہویے وہ ڈی ایس پی کے عہدے پر تعینات ہویے ۔ انہوں نے پشاور ، اسلام اباد اور دیگر اضلاع میں بھی بطور ڈی ایس پی تعینات رہے۔ انہوں نے آپریشن میں بھی ڈیوٹی کی ہے زیادہ عرصہ چترال میں رہے۔ اس کے بعد پولیس انوسٹی گیشن یعنی تفتیشی میں بہترین خدمات انجام دیے۔ انہوں نے چالیس سال ملازمت کی اور اس دوران محکمہ پولیس میں محتلف شعبوں میں تعینات رہے۔ ان کی خدمت کو ہمیشہ یاد رکھا جایے گا۔ الوداعی تقریب میں شرکاء نے ان کی خدمات کو نہایت سراہا اور انہیں بہترین طریقے سے فرایض انجام دینے پر حراج تحسین پیش کیا۔
Post your comments