امریکی صدر ٹرمپ نے کہا ہے کہ ہو سکتا ہے کہ یوکرین کل روس کا حصہ بن جائے، یہ ہو بھی سکتا ہے اور نہیں بھی ہو سکتا۔
غیر ملکی میڈیا کے مطابق امریکی صدر ٹرمپ نے کہا ہے کہ 3 سال سے جاری تنازعے کو ختم کرنا چاہتے ہیں۔انہوں نے کہا ہے کہ ہم نے یوکرین کو امداد دی ہے، اب ہمیں اس کے عوض یوکرین سے نایاب معدنیات درکار ہیں۔امریکی صدر ڈونلڈ ٹرمپ نے اپنے گزشتہ ہفتے کیے جانے والے مطالبے کو دُہراتے ہوئے کہا کہ ہم نے اس معاملے میں 5 سو بلین ڈالرز خرچ کیے ہیں اور اس کے بدلے اتنی ہی معدنیات لینا چاہتے ہیں۔دوسری جانب یوکرین کے صدر زیلنسکی کے چیف آف اسٹاف نے کہا ہے کہ یوکرین ٹرمپ کے ساتھ مل کر کام کرنے کے لیے تیار ہے۔یوکرین کے صدر زیلنسکی امریکی نائب صدر جے ڈی وینس سے جمعے کو ملاقات کریں گے، لیکن وہ جنگ بندی سے پہلے اپنی قومی سلامتی کے لیے ضمانتیں لینا چاہتے ہیں، جس میں اس معاملے کو حل کرنے کے لیے نیٹو کی رکنیت یا امن دستوں کی تعیناتی جیسی ضمانتیں ہو سکتی ہیں۔
Post your comments