Nawaipakistan.com

بالی ووڈ کی باصلاحیت اداکارہ تاپسی پنوں نے قریب آکر تصاویر لینے پر فوٹوگرافر کو ڈانٹ دیا اور فاصلہ رکھنے کی تاکید کی۔تاپسی پنوں اپنی2021ء میں آئی فلم ’حسینہ دلربا‘ کے دوسرے حصے’پھر آئی حسینہ دلربا‘ کی اسکریننگ میں شرکت سے واپسی پر فوٹوگرافر کی حرکت سے خوفزدہ ہوگئیں۔بھارتی میڈیا رپورٹ کے مطابق اداکارہ نے سیاہ اور سرخ لباس زیب تن کر رکھا تھا، وہ سنیما سے نکلی تھی کہ فوٹوگرافر نے بہت ہی قریب آکر تاپسی پنوں کی تصویر کلک کی۔واقعے کی ویڈیو سوشل میڈیا پر وائرل ہورہی ہے، اداکارہ نے قریب سے تصویر بنانے کی کوشش کرنے والے فوٹوگرافر سے کہا کہ آپ تو مجھے ڈرا رہے ہیں، تصویر لیتے وقت فاصلہ برقرار رکھیں۔انہوں نے فوٹوگرافر کو ڈانٹتے ہوئے مزید کہا کہ آپ چڑھیے مت، آپ چڑھ کر آرہے ہیں تو مجھے ڈرا رہے ہیں۔ اس کے بعد اداکارہ اپنی گاڑی کی طرف چل دیں۔اس موقع پر دیگر فوٹوگرافرز نے اس شخص سے کہا کہ آپ اداکارہ سے معافی مانگ لیں۔ فوٹوگرافر نے چیخ کر تاپسی پنوں سے معافی مانگی، جس پر اداکارہ نے جواب میں شکریہ کہا۔بھارتی اداکارہ کی طرف سے فوٹوگرافروں کو ڈانٹنے کا یہ پہلا واقعہ نہیں تھا، وہ ایک انٹرویو میں فوٹوگرافروں کے قریب آنے اور ان کی گاڑی کا پیچھا کرنے کے معاملے پر گفتگو کرچکی ہیں۔انہوں نے کہا کہ میں اپنے حق کے معاملے میں معذرت خواہانہ رویہ اپنانا نہیں چاہتی ہیں، یہ چیزیں مجھے فلمیں لا کر نہیں دے رہی ہیں، مجھے اس طرز کے میڈیا کو مطمئن کرنے کی ضرورت نہیں، یہ اپنے مفاد میں کام کرتے ہیں، یہ دراصل میڈیا ہے بھی نہیں۔تاپسی پنوں کی اگلی فلم کھیل کھیل میں ہے جو 15 اگست کو ریلیز کی جائے گی، جس میں اکشے کمار، وانی کپور، فردین خان مرکزی کردار نبھارہے ہیں۔