جنوبی افریقہ نے افغانستان کو تیسرے ون ڈے میں 7 وکٹ سے ہرا دیا، تاہم تین ون ڈے میچوں کی سیریز 1-2 سے افغانستان کے نام رہی۔شارجہ میں کھیلے گئے سیریز کے تیسرے ون ڈے میں افغانستان کی جانب سے دیا گیا 170 رنز کا ہدف جنوبی افریقہ نے 33 اوور میں حاصل کرلیا۔جنوبی افریقہ کی جانب سے ایڈن مارکرام 69 اور ٹرسٹن اسٹبس نے 26 رنز کی ناقابل شکست اننگز کھیلی۔ٹونی زورزی 26،ٹمبا باووما 22 اور ریزا ہینڈرکس 18 رنز بناکر آؤٹ ہوئے۔افغانستان کی جانب سے محمد نبی، غضنفر اور فرید احمد نے ایک ایک وکٹ حاصل کی۔واضح رہے کہ افغانستان نے جنوبی افریقہ کو پہلے ون ڈے میں 6 وکٹوں سے جبکہ دوسرے میچ میں 177رنز سے شکست دی تھی
Post your comments