روسی صدر پیوٹن نے یورپی ممالک کو تیسری جنگ عظیم شروع کرنے کی دھمکی دیدی۔ عالمی خبر رساں ادارے کے مطابق صدر پیوٹن نے دھمکی آمیز لہجے میں کہا کہ روس یورپ کے ساتھ تیسری جنگ عظیم کیلئےتیار ہے۔انہوں نے کہا کہ یورپ سے لڑنے کا ارادہ نہیں اور میں یہ بات ایک سو بار کہہ چکا ہوں لیکن یورپ نے ہمارے خلاف جنگ کا فیصلہ کیا تو روس بھی تیار ہے۔صدر پیوٹن نے خبردار کیا کہ حالات بہت تیزی سے اس مقام تک پہنچ سکتے ہیں جہاں ہمارے پاس بات چیت کے لیے کوئی راستہ نہیں بچے گا۔
برطانوی وزیراعظم کیئراسٹارمر نے کہا کہ چین برطانیہ کے لئے قومی سلامتی کا خطرہ ہے، تاہم وہ چین کے ساتھ تجارتی تعلقات بڑھانے کے فیصلے پر قائم ہیں۔برطانوی وزیراعظم کیئراسٹارمر نے کہا کہ مضبوط کاروباری تعلقات برطانیہ کے قومی مفاد میں ہیں، دونوں ممالک کے تعلقات کو حالیہ برسوں میں جاسوسی کے الزامات نے متاثر کیا، برطانیہ کی سلامتی اولین ترجیح ہے اور اس پر سمجھوتہ نہیں ہوگا۔کیئر اسٹارمر نے کہا کہ لیبر کے اقتدار میں آنے کے بعد کم از کم چار برطانوی وزراء چین کا دورہ کر چکے ہیں، برطانیہ کی آخری وزیراعظم تھریسامے تھیں جنہو نے چین کا دورہ کیا تھا۔
Post your comments