بھارتی وزیراعظم نریندر مودی نےبدھ سے اسرائیل کے دو روزہ دورے کا آغازکردیا ہے،امریکی میگزین فوربز کے مطابق اس دوران دونوں ملکوں کے درمیان اربوں ڈالر کے جنگی معاہدے پر دستخط ہونے کا امکان ہے،اسرائیلی اپوزیشن مودی کے کینیسٹ سے خطاب کا بائیکاٹ کریگی، بھارتی اپوزیشن نے بھی مودی کے دورے کی مخالفت کردی ہے ، اپوزیشن نے علاقائی عدم استحکام، غزہ میں جاری مظالم کے دوران مودی کے دورے کی ٹائمنگ پر سوالا ت اٹھادیئے ہیں، کانگریس کا کہنا ہے کہ غزہ اور مقبوضہ مغربی کنارے میں شہری ہلاکتیں نظر انداز کردی گئی ہیں جبکہ بھارت نےفلسطینیوں کو تنہا چھوڑ دیا ہے ۔ تفصیلات کے مطابق بھارتی وزیراعظم نریندر مودی نے دورہ اسرائیل کا آغاز کردیا ہے۔مودی کا اسرائیل کا یہ دوسرا دورہ ہوگا،فوربز انڈیا کے مطابق انڈیا اسرائیل کے ساتھ مجموعی طور پر 8.6 بلین ڈالر کے جنگی معاہدے کرنے جا رہا ہے جن کے تحت سپائس 1000 پرسیژن گائیڈڈ بم، ہوا سے زمین پر مار کرنے والے میزائل، بیلسٹک میزائل اور آئس بریکر میزائل سسٹم خریدے جائیں گے۔دوسری جانب اسرائیلی اپوزیشن نے نریندر مودی کے اسرائیلی پارلیمنٹ کینسیٹ سے خطاب کے بائیکاٹ کا منصوبہ بنالیا ہے ، اسرائیلی اخبار کی رپورٹ کے مطابق، یائر لاپڈ کی قیادت میں اپوزیشن اور پارلیمنٹ کےا سپیکر امیر اوہانا کے درمیان ایک “تعطل” کی صورتحال پیدا ہو گئی ہے۔ یہ تنازع ا سپیکر کے اس فیصلے کی وجہ سے ہے جس میں انہوں نے “روایت کے برعکس” اسرائیلی سپریم کورٹ کے صدر اسحاق امیت کو پارلیمنٹ کے خصوصی اجلاس میں مدعو نہیں کیا ہے۔
Post your comments