دنیا بھر میں کرسمس کی تیاریاں جاری ہیں، مصر کے دارالحکومت قاہرہ کی گلیوں میں بھی کرسمس کی روایتی سجاوٹ اور بازار تحائف کی خوبصورت اشیا سے سج گئی ہیں۔
دبئی کے ونٹر فیسٹیول میں بھی کرسمس کے رنگ بکھر گئے ہیں، کرسمس تحائف بانٹنے والے سانتاکلاز کی جاپان میں ایکوریم میں اینٹری ہوئی، پینگوئن کے ساتھ تیراکی کی۔دوسری جنگ زدہ غزہ میں جاری اسرائیلی مظالم پر عیسائیوں کے مقدس شہر بیت لحم میں مسلسل دوسرے سال کرسمس کا تہوار سادگی سے منانے کا اعلان کیا گیا ہے۔چرچ آف نیٹی ویٹی میں کرسمس کی شام روایتی دیوہیکل کرسمس ٹری رنگ برنگی روشنیوں کے بغیر اُتری۔
شام کے شہر حماہ میں نامعلوم افراد نے کرسمس ٹری کو آگ لگا دی، کرسمس ٹری کو نقصان پہنچانے کے خلاف مسیحی افراد نے ملک کے مختلف علاقوں میں احتجاجی مظاہرے کیے۔
شام میں ھیت التحریر الشام کی عبوری حکومت کا کہنا ہے کہ کرسمس ٹری کو نقصان پہنچانے میں غیر ملکی جنگجو ملوث ہیں۔انکا کہنا ہے کہ ذمہ داروں کے خلاف سخت کارروائی کی جائے گی اور دوسرا کرسمس ٹری بھی لگایا جائے گا۔
Post your comments