اسلام آباد کی انسداد دہشتگردی عدالت نے ڈی چوک میں احتجاج پر بانی پی ٹی آئی سمیت پارٹی کے 96 رہنماؤں اور کارکنان کے وارنٹ گرفتاری جاری کردیے۔بشریٰ بی بی، بیرسٹر گوہر، شعیب شاہین، علی بخاری، عامر مغل کے بھی وارنٹ گرفتاری جاری کردیے گئے۔ انسداد دہشتگردی عدالت کے جج طاہر عباس سپرا نے وارنٹ گرفتاری جاری کیے۔ کوہسار پولیس نے مقدمے میں 96 ملزمان کے وارنٹ گرفتاری حاصل کیے ہیں۔عمر ایوب، شیر افضل مروت، خالد خورشید، فیصل جاوید کے بھی وارنٹ گرفتاری جاری کردیے گئے۔ ایم این اے عبدالطیف، فاتح الملک، علی ناصر، صوبائی وزیر ریاض خان کے بھی وارنٹ جاری کردیے گئے۔علی زمان، پیر مصور، میاں خلیق الرحمان، سہیل آفریدی، شہرام ترکئی کے بھی وارنٹ جاری جاری کیے گئے ہیں۔ مشتاق اللّٰہ، راشد ٹیپو، ذلفی بخاری، سلمان اکرم راجہ، مراد سعید اور رؤف حسن کے بھی وارنٹ جاری کردیے گئے۔
انسداد دہشت گردی عدالت (اے ٹی سی ) اسلام آباد میں ڈی چوک سے گرفتار 2 خواتین سمیت 283 ملزمان کو پیش کردیا گیا۔
اے ٹی سی اسلام آباد کے جج طاہر عباس سپرا کی عدالت میں پیشی کے دوران تفتیشی افسر نے تمام 283 ملزمان کی شناخت پریڈ کی استدعا کی۔وکیل صفائی انصر کیانی نے کہا کہ ملزمان کو 6 روز سے پولیس نے گرفتار کر رکھا ہے۔ شناخت پریڈ سے متعلق اسلام آباد ہائیکورٹ کا حکم نامہ موجود ہے۔اے ٹی سی اسلام آباد نے دونوں خواتین کو جوڈیشل ریمانڈ پر جیل بھیجنے کا حکم دیا اور باقی 281 ملزمان کو 14 روز کےلیے شناختی پریڈ پر اڈیالہ جیل راولپنڈی بھیج دیا۔
Post your comments