کینیڈا میں مقیم پاکستانی ویٹرنری ڈاکٹروں نے پاکستان سے آنے والے نئے گریجویٹس کی رہنمائی کے لیے ہیلپ لائن قائم کر دی ہے۔ کینیڈا پاکستانی ویٹرنرین ایسوسی ایشن کی جانب سے اپنے سالانہ عشائیے میں کینیڈین لائسنس حاصل کرنے والے ڈاکٹروں کو خصوصی ایوارڈز پیش کیے گئے۔ تقریب میں پاکستانی نژاد کینیڈین رکنِ پارلیمنٹ اسلم رانا اور پاکستانی قونصل خانہ سے قونصلر سندس علی خان نے بطور مہمانِ خصوصی شرکت کی۔تقریب میں دو سو سے زائد پاکستانی ویٹرنری ڈاکٹرز شریک ہوئے، تقریب کا آغاز تلاوتِ قران اور ترجمے سے کیا گیا۔زرعی یونیورسٹی فیصل آباد کے سابق وائس چانسلر ڈاکٹر ظفر اقبال رندھاوا نے تقریب سے خصوصی خطاب کیا۔ تقریب کے دوران 4 ڈاکٹرز کو اچیومنٹ ایوارڈز جبکہ ڈاکٹر جاوید مقبول کو کمیونٹی ایوارڈ اور ڈاکٹر حسیب ارشد کو کینیڈین لائسنس ملنے پر ایوارڈ سے نوازا گیا۔
Post your comments