بھارتی بزنس مین مکیش امبانی کے چھوٹے بیٹے اننت امبانی اور رادھیکا مرچنٹ کی شادی سے قبل منعقد تقریبات میں شرکت کرنے والے مہمانوں کی فہرست جار کردی گئی۔بھارتی میڈیا رپورٹس کے مطابق اننت امبانی اور رادھیکا مرچنٹ 12 جولائی کو ممبئی میں رشتہ ازدواج میں منسلک ہو جائیں گے۔ ان کی شادی کے سلسلے میں پُرطعش شادی کی تقریبات کا اہتمام کیا جائے گا۔تاہم شادی کے سلسلے میں شادی سے قبل بھی مختلف تقریبات کا اہتمام کیا جائے گا جو 1 مارچ سے 3 مارچ تک منعقد ہونگی۔شادی سے قبل منعقد ہونے والی ان تقریبات میں بھی دنیا بھر سے معروف شخصیات شرکت کریں گیں، جن کی فہرست جاری ہوگئی ہے۔بھارتی میڈیا کے مطابق ان تقریبات میں مائیکروسافٹ کے شریک بانی بل گیٹس اور ان کی سابق اہلیہ میلنڈا، فیس بک کے بانی مارک زکر برگ، ڈزنی کے سی ای او باب ایگر، بینک آف امریکہ کے چیئرمین برائن تھامس موئنہان، قطر کے وزیر اعظم محمد بن عبدالرحمن بن جاسم الثانی، ایڈوب کے سی ای او شانتنو نارائن اور ایوانکا ٹرمپ سمیت دنیا بھر سے دیگر اہم نامور کاروباری شخصیات شامل ہیں۔بھارتی ریاست گجرات کے شہر جام نگر میں یکم مارچ سے 3 مارچ تک جاری رہنے والی تقریبات میں دنیا بھر سے نامور شخصیات کی شرکت متوقع ہے۔واضح رہے کہ دونوں کی منگنی کی تقریب 19 جنوری 2023 کو ممبئی میں منعقد ہوئی تھی۔ اننت امبانی مکیش اور نیتا امبانی کے سب سے چھوٹے بیٹے ہیں۔
Post your comments