Nawaipakistan.com

صدرِ مملکت عارف علوی نے انسانی بنیادوں کے تحت وزیر اعظم کی ایڈوائس پر 2 سال سے کم سزا والی خواتین اور بچوں کو معافی کی منظوری دے دی۔ایوانِ صدر کے مطابق صدر نے ان خواتین اور بچوں کی معافی کی منظوری بھی دی جن کی بقیہ سزا دو سال سے کم ہے۔ معافی کا اطلاق قتل، بغاوت، جاسوسی، اغوا، ڈکیتی اور ریاست کے خلاف سرگرمی کے مجرموں پر نہیں ہوگا۔ایوانِ صدر کے مطابق معافی کا اطلاق زنا آرڈیننس، انسداد دہشت گردی اور انسداد منشیات قوانین کے مجرموں پر بھی نہیں ہوگا۔