سعودی ولی عہد شہزادہ محمد بن سلمان کے ڈریم پروجیکٹ اسمارٹ سٹی ’نیوم ‘ کو سرمایہ کاری میں کمی کا سامنا ہے۔غیر ملکی میڈیا رپورٹس کے مطابق اسمارٹ سٹی ’نیوم‘ کے منصوبے کے تحت تمام سہولتوں سے آراستہ دو فلک بوس پروجیکٹس’دی لائن‘ اور ’مرر لائن‘ ریگستان اور پہاڑی علاقوں میں قائم کیے جانے تھے۔تاہم اب خدشہ ظاہر کیا جا رہا ہے کہ سرمایہ کاری میں کمی کے باعث سعودی عرب 500 بلین ڈالرز کی لاگت سے تیار ہونے والا مذکورہ کثیر الجہتی پروجیکٹ محدود کرنے جا رہا ہے۔ابتداً اس منصوبے کے تحت 170 کلو میٹر طویل تعمیر کئے جانے والی فلک بوس عمارت ’دی لائن‘ کو اب 98.6 فیصد تک مختصر کر دیا جائے گیا، جس کے بعد یہ منصوبہ صرف 2.4 کلومیٹر پر محیط رہ جائے گا۔قبل ازیں اس منصوبے میں 1.5 ملین لوگوں کی رہائش کی گنجائش رکھی گئی تھی۔ منصوبے کو محدود کرنے کے بعد اب اس جدید شہر کی آبادی صرف 30,000 رہائشیوں پر محیط ہوگی۔’دی لائن‘ سعودی عرب کے ولی عہد شہزادہ محمد بن سلمان کے ویژن 2030 کا حصہ تھا جس کا مقصد شہری زندگی کے چیلنجوں سے نمٹنے اور زندگی کے متبادل طریقوں کو فروغ دینا تھا۔تاہم، رپورٹس کے مطابق اب سرمایہ کاری میں کمی کے باعث اس میگا پروجیکٹ کو مختصر کرنے کا فیصلہ کیا جا رہا ہے۔
Post your comments