Nawaipakistan.com

قطری وزارت خارجہ کے ترجمان ماجد الانصاری نے کہا ہے کہ جنگ بندی منصوبے پر آبنائے ہرمز کے شراکت دار ممالک کی منظوری ہونی چاہیے۔

دوحہ میں پریس کانفرنس کرتے ہوئے ماجد الانصاری کا کہنا تھا کہ کسی بھی ڈکٹیشن کو قبول نہیں کیا جائیگا۔

انہوں نے کہا کہ حالیہ جنگ سے متعلق ممکنہ معاہدے کی کامیابی کےلیے بین الاقوامی نگرانی ہونے چاہیے۔

ترجمان قطری وزارت خارجہ نے کہا کہ خطے کے ممالک کو موجودہ کشیدگی کے حل کےلیے تیار امن منصوبے کا حصہ ہونا چاہیے۔

ان کا یہ بھی کہنا تھا کہ کسی بھی فریق کی جانب سے توانائی تنصیبات پر حملے ناقابل قبول ہے۔

امریکی ماہر برائے جنوبی ایشیا مائیکل کوگلیمین کا کہنا ہے کہ آج رات پاکستان نے حالیہ برسوں میں سب سے بڑی سفارتی کامیابی حاصل کی۔

ایک بیان میں مائیکل کوگلیمین نے کہا کہ پاکستان نے شکوک و شبہات رکھنے والوں اور ناقدین کو بھی غلط ثابت کیا۔

انہوں نے کہا کہ وہ سمجھتے تھے پاکستان پیچیدہ اور اعلیٰ سطح کے معاملے کو سنبھالنے کی صلاحیت نہیں رکھتا۔

امریکی ماہر برائے جنوبی ایشیا کا کہنا ہے کہ سب سے اہم یہ کہ اس نے ایران میں ممکنہ تباہی کو ٹالنے میں مدد دی۔

پاکستان میں تعینات برطانیہ کی ہائی کمشنر جین میریٹ نے اہم جنگ بندی میں پاکستان کی سفارتی کوششوں پر شکریہ ادا کیا ہے۔

سماجی رابطوں کی ویب سائٹ ایکس پر بیان جاری کرتے ہوئے انہوں نے لکھا کہ پاکستان کا خاموش، مؤثر سفارتکاری کا شکریہ۔

جین میریٹ نے لکھا کہ پاکستان کا شکریہ کہ اس نے اس اہم سیز فائر میں کردار ادا کیا۔

واضح رہے کہ پاکستان کی کامیاب سفارتکاری سے امریکی صدر ڈونلڈ ٹرمپ نے جنگ بندی میں دو ہفتوں کی توسیع کردی ہے۔

امریکی صدر ڈونلڈ ٹرمپ نے ایران کو آبنائے ہرمز کو دوبارہ کھولنے یا سویلین انفرا اسٹرکچر پر حملوں کی ڈیڈ لائن سے صرف ڈیڑھ گھنٹہ قبل ہی جنگ بندی کا اعلان کیا۔