امریکا کے کم از کم 3 بحری بیڑے سان ڈی ایگو سے روانہ ہو گئے۔
اسرائیلی میڈیا کے مطابق یو ایس ایس پورٹ لینڈ، یو ایس ایس کامسٹاک اور یو ایس ایس باکسر کی منزل مشرقِ وسطیٰ بتائی جا رہی ہے۔
امریکی میڈیا کا کہنا ہے کہ ریپڈ رسپانس فورس کی ممکنہ تعیناتی کے باعث ایران پر زمینی حملے سے متعلق قیاس آرائیاں بڑھ گئی ہیں۔
دوسری جانب امریکی میڈیا کے مطابق بیشتر امریکی شہری ایران کے خلاف کسی بھی زمینی حملے کے مخالف ہیں۔
امریکی بی ون بمبار طیارہ ایران پر حملے کے بعد برطانیہ واپس پہنچ گیا۔
فلائٹ ٹریکنگ کے مطابق امریکی بمبار طیارے کو یورپی ممالک نے فضائی حدود فراہم نہیں کیں۔
فرانس، پرتگال اور اسپین نے امریکی طیارے کو فضائی حدود فراہم نہیں کیں۔
ان ممالک کی فضائی حدود نہ ملنے کے باعث امریکی طیارے کو بحیرۂ روم اور بحرِ اوقیانوس کے اوپر سے گزرنا پڑا۔
واضح رہے کہ یورپ نے امریکی جنگی جہازوں کے لیے فضائی حدود بند کی ہوئی ہیں۔
Post your comments