پاکستانیوں کیلئے متحدہ عرب امارات (یو اے ای) کے ویزوں پر پابندی کی وجوہات سامنے آگئیں.
امارات کی حکومتی پالیسیوں پر تنقید، احتجاج، پاسپورٹ اور شناختی دستاویزات میں جعلسازی کے الزامات ،گداگری اور مجرمانہ سرگرمیوں میں ملوث ہونے کے شواہد بھی ملے، دیگر کے مقابلے میں پاکستانیوں کی شرح زیادہ ،مقامی حکام نے دستاویزی شواہد اور تحفظات سے پاکستانی سفیر کو آگاہ کردیا، رپورٹ پاکستانی حکام کو بھجوا دی امارات حکومت نے پاکستانی سفارت خانے کیساتھ شیئر کی گئی سرکاری دستاویزات کے مطابق، پابندی کی تجویز کابینہ کے اجلاس میں چند پاکستانی شہریوں کے عمل کو دیکھتے ہوئے اور شکایات کا جائزہ لینے کے بعد دی گئی. دستاویزات میں کہا گیا کہ پاکستانی شہری مبینہ طور پر متحدہ عرب امارات میں غلط سمجھے جانے والی سرگرمیوں میں ملوث رہے ہیں جن میں احتجاج، سوشل میڈیا پر یو اے ای کی حکومت کی پالیسیوں پر تنقید اور آن لائن پلیٹ فارمز کا غلط استعمال شامل ہیں، یہ تمام عمل یو اے ای کے امیج کو خراب خراب کر رہی ہیں اور دیگر کے مقابلے میں پاکستانی شہریوں کے بارے میں اس طرح کی شکایات کا تناسب زیادہ ہے۔ مزید برآں، بعض پاکستانی افراد کی جانب سے شناختی دستاویزات بشمول تبدیل شدہ شناختی کارڈز اور پاسپورٹ میں جعلسازی کے الزامات بھی شامل ہیں،اس کے علاوہ دستاویز میں چوری، نوسر بازی، بھیک مانگنا، جسم فروشی اور منشیات سے متعلق جرائم جیسی مجرمانہ سرگرمیوں میں ملوث ہونے پر بھی روشنی ڈالی گئی، جو مبینہ طور پر پاکستانی شہریوں میں دیگر قومیتوں کے افراد کے مقابلے میں زیادہ پائے جاتے ہیں۔ مقامی حکام نے ان خدشات سے پاکستان کے سفیر کو آگاہ کیا اور اس بات پر زور دیا کہ ویزا پابندیاں عائد کرنے کا فیصلہ متحدہ عرب امارات کی حکومت کے اعلیٰ ترین سطح پر غور کے بعد کیا گیا۔
ابو ظبی میں پاکستانی سفارتخانے نے ویزا پابندیوں سے متعلق میڈیا رپورٹس کی تردید کردی۔
ابوظبی سے پاکستانی سفارتخانہ کے مطابق رپورٹس میں کیے گئے دعوے حقائق کے برعکس ہیں۔ پاکستانی سفارتخانہ کا کہنا ہے کہ پاکستان اور یو اے ای کے درمیان مضبوط اور دوستانہ تعلقات ہیں جنہیں مزید مضبوط بنانے کیلئے متحدہ عرب امارات (یو اے ای )حکام کے ساتھ قریبی تعاون جاری رکھیں گے۔ سفارتخانہ پاکستان کے اعلامیہ کے مطابق دونوں حکومتیں تعمیری بات چیت کے ذریعے باہمی تشویش کے مسئلے کو حل کرنے کیلئے پُرعزم ہیں۔
Post your comments