Nawaipakistan.com

 ابو ظہبی : ابو ظہبی ٹی10 لیگ اپنے نصف مرحلے میں انتہائی دلچسپ صورتحال اختیار کر چکی ہے، جہاں کوئٹہ کیولری شاندار کارکردگی دکھاتے ہوئے پلے آف کے لیے کوالیفائی کرنے والی پہلی ٹیم بن گئی ہے۔ کیولری نے مسلسل پانچوں میچز جیت کر  پانچ صفر کا مثالی ریکارڈ قائم کیا اور 10 پوائنٹس کے ساتھ نیٹ رن ریٹ 2.330 پر سبقت برقرار رکھتے ہوئے ٹاپ فور میں جگہ یقینی بنائی۔و یسٹا رائیڈرز 4 میچز میں 6 پوائنٹس لیکر دوسری پوزیشن پر موجود ہیں، جبکہ یو اے ای بلز، اجمان ٹائٹنز، ڈیکن گلیڈی ایٹرز اور نادرن واریرز چاروں ٹیمیں 4،4 پوائنٹس کے ساتھ پلے آف کی دوڑ میں گھمسان کا مقابلہ کر رہی ہیں۔ایسپن اسٹیلینز بھی 4 میچز میں 2 پوائنٹس کے ساتھ اب بھی ایونٹ میں موجود ہیں اور اپ سیٹ کی صلاحیت رکھتی ہے۔ دوسری جانب رائل چیمپس مسلسل چار شکستوں کے بعد پوائنٹس ٹیبل میں سب سے نیچے ہیں اور اب انہیں ایونٹ میں رہنے کے لیے ڈرامائی واپسی کی ضرورت ہے۔نادرن واریرز کے جونسن چارلس 160 رنز کے ساتھ ٹاپ اسکورر ہیں، اوسط 80۔ڈیکن گلیڈی ایٹرز کے ٹام کوہلر کیڈمور 151 رنز بنا چکے ہیں، جس میں 29 گیندوں پر 78 رنز کی دھماکہ خیز اننگ شامل ہے۔بولنگ میں کوئٹہ کیولری کے کپتان محمد عامر نے 4 وکٹیں حاصل کی ہیں، جبکہ اجمان ٹائٹنز کے زمان خان کی نادرن واریرز کے خلاف شاندار ہیٹ ٹرک نے انہیں ایونٹ کے خصوصی بولرز میں شامل کر دیا ہے۔کل 34 میچز پر مشتمل یہ ٹورنامنٹ تیز ترین فارمیٹ کی پوری جھلک پیش کر رہا ہے، جہاں ہر روز نئے ریکارڈ، نئی سنسنی اور نیا جوش دیکھنے کو مل رہا ہے۔دوسرے مرحلے میں پلے آف رسائی، نیٹ رن ریٹ کی دوڑ اور ہائی اسکورنگ مقابلے ایونٹ کو مزید دلچسپ بنانے کے لیے تیار ہیں۔