لبنان سے اسرائیل کے شمالی علاقوں میں آج صبح سے تقریباً 100 راکٹ داغے گئے۔اسرائیلی فوج کے مطابق لبنان سے داغے جانے والے راکٹوں سے کوئی زخمی نہیں ہوا۔

حوثی اسرائیل کیخلاف کارروائی میں حصّہ لینے کیلئے تیار

اس حوالے سے حوثی ترجمان کا کہنا ہے کہ اسرائیل کے خلاف کسی بھی مشترکہ فوجی کارروائی میں حصّہ لینے کے لیے تیار ہیں۔

وثی ترجمان نے یہ بھی کہا ہے کہ غزہ اور لبنان پر جاری اسرائیلی جارحیت رکنے تک فوجی حملےجاری رہیں گے۔

اسرائیلی فوج کی لبنان میں داخلے کی کوشش

واضح رہے کہ اسرائیلی فوج نے لبنانی سرحد میں داخل ہونے کی کوشش کی ہے۔عرب میڈیا کی رپورٹ کے مطابق العدیسہ میں اسرائیلی فوج اور حزب اللّٰہ میں جھڑپوں کے دوران اسرائیلی فوج کے 4 ہلاک جبکہ 20 زخمی ہو گئے۔رپورٹ میں بتایا گیا ہے کہ اسرائیلی فوج کے جنگی ہیلی کاپٹر نے ہلاک اور زخمی فوجیوں کو لانےکے لیے ہنگامی آپریشن بھی کیا۔

اسرائیل کی بیروت پر 14 مرتبہ بم باری

رپورٹ کے مطابق اسرائیلی فوج نے آج صبح بیروت پر کم از کم 14 مرتبہ فضائی بم باری کی۔فضائی بم باری بیروت کے جنوبی ٹاؤن کے علاقوں حریک، برج البراجنہ پر کی گئی۔رپورٹ میں یہ بھی بتایا گیا ہے کہ اسرائیلی فوج کی بم باری سے قبل شہریوں کو ان علاقوں سے 500 میٹر دور رہنے کی ہدایت جاری کی گئی۔

حزب اللّٰہ سے جھڑپ میں 4 اسرائیلی فوجی ہلاک، 20 زخمی

اسرائیلی فوج نے لبنانی سرحد میں داخل ہونے کی کوشش کی، اس دوران العدیسہ میں اسرائیلی فوج اورحزب اللّٰہ میں جھڑپ ہوئی ہے جس سے 4 اسرائیلی اہلکار ہلاک ہو گئے ہیں۔عرب میڈیا کا کہنا ہے کہ جھڑپوں میں اسرائیلی فوج کے 20 اہلکار زخمی بھی ہوئے ہیں۔ اسرائیلی فوج کے جنگی ہیلی کاپٹر نے ہلاک اور زخمیوں کو لانے کیلئے ہنگامی آپریشن کیا ہے۔