Nawaipakistan.com

بھارت میں ایک یوٹیوب شو کی وجہ سے تنازع میں مزید شدت آنے لگی، سوشل میڈیا انفلوئنسر اپوروا مکھیجا کی قریبی دوست ردا تھرنا کا کہنا ہے کہ انہیں ریپ کی دھمکیاں ملنے لگی ہیں۔ 

واضح رہے کہ یہ دھمکیاں اس وقت سامنے آئیں جب یوٹیوب شو ’انڈیاز گاٹ لیٹنٹ‘ میں ان کے متنازع ریمارکس سوشل میڈیا پر وائرل ہوئے۔ردا تھرنا نے اپنے سوشل میڈیا اکاؤنٹ پر تحریر کیا، ’مجھے کبھی شک نہیں ہوا کہ کچھ لوگ صرف عورت ہونے کی وجہ سے خواتین سے نفرت کرتے ہیں۔‘انہوں نے کہا، ’خواتین محض سانس لینے، جینے، خود سے محبت کرنے اور ترقی کرنے کے جرم میں نشانہ بنتی ہیں۔ ایک عورت اگر وہی مسئلہ اٹھائے جو کوئی اور کرے تو اس پر زیادہ سخت ردعمل آتا ہے۔‘واضح رہے کہ منگل کے روز بھارتی حکومت کی ہدایات پر یوٹیوب نے متنازع قسط کو پلیٹ فارم سے ہٹا دیا۔ یہ شو جون 2024 میں شروع ہوا تھا اور اب تک 18 اقساط نشر ہو چکی تھیں۔واضح رہے کہ یہ معاملہ یوٹیوبر رنویر الہ آبادیہ عرف بیئر بائسیپس کے قابلِ اعتراض کمنٹس کے بعد شروع ہوا تھا۔ انہیں بھی اس تنازع میں شدید تنقید کا سامنا کرنا پڑ رہا ہے۔ممبئی پولیس نے بدھ کے روز اس معاملے میں اپوروا مکھیجا سمیت چار افراد کے بیانات قلمبند کیے تھے۔خیال رہے کہ اس تنازع کے بعد اپوروا مکھیجا کو آئیفا ایوارڈز کے سفیروں کی فہرست سے ہٹا دیا گیا ہے۔ یہ تقریب آئندہ ماہ جے پور، راجستھان میں منعقد ہونی ہے۔خیال رہے کہ سوشل میڈیا انفلوئنسر اپوروا مکھیجا بھی رنویر الہ آبادیہ کے ساتھ ’انڈیاز گاٹ لیٹنٹ‘ کی اس قسط میں شریک تھیں جس میں یہ تنازع کھڑا ہوا۔ اور انہیں کے ریمارکس نے تنازع کو مزید ہوا دی تھی۔