پاکستانی معروف اداکارہ ہانیہ عامر کی خوبصورت معصوم صورت سے متعلق خاتون ڈاکٹر کا دعویٰ سامنے آیا ہے۔سوشل میڈیا پر نجی ٹی وی کے مارننگ شو کا ایک مختصر سا کلپ وائرل ہو رہا ہے۔کلپ میں خاتون ڈاکٹر میزبان فضا علی کے ساتھ متعدد پاکستانی اداکاراؤں کی جانب سے کروائی جانے والی بیوٹی اینڈ کاسمیٹکس سرجریز سے متعلق بات کر رہی ہیں۔مکمل شو کے دوران فضا علی اور خاتون ڈاکٹر نے تقریباً پاکستان کی تمام نامور اداکاراؤں سے متعلق بات کی ہے۔ان اداکاراؤں میں سعدیہ امام، حمیمہ ملک، عائشہ خان، آئمہ بیگ، علیزے شاہ صبا قمر، مشی خان، صدف کنول، ثروت گیلانی، حدیقہ کیانی، مہوش حیات اور ہانیہ عامر شامل ہیں۔کاسمیٹک سرجن کا ہانیہ عامر سے متعلق دعویٰ کرتے ہوئے کہنا ہے کہ ان کا ڈمپل ’ڈمپل پلاسٹی‘ کا نتیجہ ہے، ہانیہ عامر نے ناصرف گال بلکہ تھوڑی پر بھی فلرز کروا رکھے ہیں، ہانیہ عامر نے اپنی گالوں سمیت آئی بھنوؤں کی شکل بھی تبدیل کروائی ہے۔کاسمیٹک سرجن کے مطابق ہانیہ عامر بہت خوبصورت اداکارہ ہیں، انہوں نے خود کو بہت بہترین انداز میں رکھا ہوا ہے، ان کی ظاہری خوبصورتی اور صحت کا خیال رکھنا چہرے سے عیاں ہے۔خاتون ڈاکٹر کا کہنا ہے کہ ہانیہ عامر پہلے سے ہی بہت گوری اداکارہ ہیں، انہوں نے اپنے رنگ سے متعلق تو کوئی سرجری یا انجیکنشز نہیں لگوائے ہیں مگر دیگر سرجریز کی مدد سے انہوں نے اپنے چہرے کے خد و خال کو ضرور تبدیل کیا ہے۔شو کے دوران کاسمیٹک سرجن نے دیگر اداکاراؤں کے کیریئر کے آغاز اور حالیہ تصاویر کا موازنہ کرتے ہوئے دعویٰ کیا ہے کہ پاکستان کی متعدد اداکاراؤں نے اپنا رنگ گورا کرنے سمیت سرجری کی مدد سے چہرے کے خد و خال کو بھی تبدیل کروا رکھا ہے۔
Post your comments