ڈیمو کریٹک صدارتی امیدوار کملا ہیرس کا کہنا ہے کہ امریکی ووٹرز قبل از وقت پبلیکن امیدوار ڈونلڈ ٹرمپ کی جیت کے دعوے میں نہ آئیں۔
غیر ملکی خبر رساں ادارے کے مطابق کملا ہیرس نے کہا ہے کہ ٹرمپ کا قبل از وقت جیت کا دعویٰ حقیقت سے توجہ ہٹانا ہے۔انہوں نے کہا کہ 2020ء کا صدارتی انتخاب شفاف تھا جس میں ڈونلڈ ٹرمپ کو شکست ہوئی۔کملا ہیرس کا یہ بھی کہنا ہے کہ اُمید ہے کہ یہ صدارتی الیکشن بھی صاف و شفاف ہو گا۔واضح رہے کہ امریکا میں صدارتی انتخابات میں 1 روز باقی رہ گیا ہے، ڈیمو کریٹک صدارتی امیدوار کملا ہیرس اور ری پبلیکن امیدوار ڈونلڈ ٹرمپ کے درمیان کانٹے کا مقابلہ متوقع ہے۔مختلف رائے شماریوں میں کملا ہیرس کو صرف 1 پوائنٹ کی برتری حاصل ہے، تاہم اُس میں غلطی کا امکان بھی موجود ہے۔
Post your comments