لاہور کے علاقے فیصل ٹاؤن میں مبینہ اغواء کے بعد نوجوان کو قتل کر دیا گیا جس کے الزام 2 پولیس اہلکاروں کو گرفتار کر لیا گیا۔پولیس ذرائع کے مطابق مقتول فرخ ارشد نے 18 اگست کو برکت مارکیٹ سے مذکورہ پولیس اہلکاروں کو گاڑی میں بٹھایا تھا۔پولیس اہلکار فرخ ارشد کے ساتھ اس کے گھر گئے تھے، 3 پولیس ملازمین فرخ کےساتھ دوسری گاڑی میں گھر سے نکلے۔پولیس ملازمین فرخ ارشد کو اپنے ساتھ اچھرہ میں فلیٹ پر لے گئے، مقتول فرخ کو کسی نے دھکا دیا یا اس نے خودکشی کی، اس حوالے سے تحقیقات جاری ہیں۔پولیس ذرائع کے مطابق واقعے کا تیسرا ملزم ڈولفن پولیس کا برطرف کانسٹیبل حمزہ مفرور ہے۔واضح رہے کہ لاہور کے علاقے فیصل ٹاؤن سے اغواء ہونے والے نوجوان کی لاش اُچھرہ سے ملی تھی۔
Post your comments