بھارت نے کشمیر ریجن کے دریاؤں پر بنے ڈیمز کے تمام دروازے کھول دیے۔
بھاتی سرکاری ذرائع کے مطابق کشمیر ریجن کے دریاؤں پر ڈیمز سے تقریباً 2 لاکھ کیوسک پانی چھوڑے جانے کا امکان ہے۔ذرائع نے کہا کہ یہ واضح نہیں کہ بھارت کی جانب سے پانی کا اخراج ایک بار ہو گا یا مرحلہ وار۔بھارتی میڈیا کے مطابق بالائی علاقوں میں مسلسل شدید بارشوں کے باعث دریائے چناب میں طغیانی ہے۔دوسری جانب بھارتی ہائی کمیشن سے ملی معلومات پر انڈس واٹر کمشنر نے فلڈ الرٹ جاری کر دیا۔الرٹ کے مطابق بھارتی ہائی کمیشن نے اطلاع دی ہے کہ ستلج میں ہیڈ ہریکے زیریں میں اونچے درجے کا سیلاب ہوگا۔بھارتی ہائی کمیشن نے کہا کہ دریائے ستلج میں فیروزپور زیریں میں اونچے درجے کا سیلاب ہوگا۔الرٹ میں کہا گیا ہے کہ راوی میں مادھوپور زیریں اور دریائے چناب میں اکھنور میں اونچے درجے کا سیلاب ہوگا۔
بھارت کی جانب سے پاکستان کے خلاف آبی جارحیت کا سلسلہ جاری ہے اور اب بھارت نے چمیرا ڈیم سے بڑے پیمانے پر پانی چھوڑ دیا ہے۔
جیو نیوز کے مطابق بھارت کی جانب سے چمیرا ڈیم 1 سے بڑے پیمانے پر پانی چھوڑنے کا سلسلہ جاری ہے جس کے باعث دریائے راوی میں پانی کی آمد میں مسلسل اضافہ ہو رہا ہے۔دوسری جانب بھارتی سرکاری میڈیا کا کہنا ہے کہ کشمیر ریجن کے دریاؤں پر بنے ڈیمز کے تمام دروازے کھول دیے گئے ہیں اور کشمیر ریجن کے دریاؤں پر ڈیمز سے تقریباً 2 لاکھ کیوسک پانی چھوڑے جانے کا امکان ہے۔بھارتی سرکاری میڈیا کے مطابق یہ واضح نہیں کہ بھارت کی جانب سے پانی کا اخراج ایک بار ہوگا یا مرحلہ وار کیا جائے گا۔
Post your comments