Nawaipakistan.com

پاکستان اسنوکر کے کنگ محمد آصف نے کیرئیر کا چھٹا ورلڈ ٹائٹل جیت لیا۔

بحرین میں ہونیوالی آئی بی ایس ایف ورلڈ ماسٹرز اسنوکر محمد آصف کے نام رہی، محمد آصف نے فائنل میں بھارت کے برجش دامانی کو چار ۔ تین سے شکست دی۔ورلڈ ماسٹرز کے فائنل میں پاک بھارت مقابلہ انتہائی سنسنی خیز ثابت ہوا، آصف اور برجش دامانی کا ہر فریم میں آخر تک بھرپور مقابلہ رہا۔آصف کی دو فریمز کی برتری کے بعد برجیش دامانی نے مسلسل تین فریمز جیتے۔آصف نے تین ۔ دو کے خسارے سے کم بیک کرکے مقابلہ برابر کیا اور پھر فیصلہ کن فریم جیتا۔محمد آصف کی جیت کا اسکور 98-37، 75-55، 00-80، 49-52، 41-64، 91-29 اور 78-9 رہا۔محمد آصف نے اس سے قبل دو ورلڈ ٹیم چیمپئن شپ اور تین انفرادی چیمپئن شپ جیتی ہیں۔

آئی بی ایس ایف ورلڈ ماسٹرز اسنوکر چیمپئن محمد آصف نے کہا ہے کہ دیکھنے والوں کو شاید اندازہ نہ ہو لیکن میچ کافی مشکل ہو گیا تھا۔

میڈیا سے گفتگو کرتے ہوئے انہوں نے کہا کہ جب بھی پاکستان اور بھارت کا مقابلہ ہوتا ہے تو لوگوں کی توقع کافی بڑھ جاتی ہیں۔محمد آصف نے کہا کہ کھیل میں ہار جیت تو ہوتی ہے لیکن ایسا میچ کوئی نہیں ہارنا چاہتا، اس بات کا پریشر تھا کہ مجھے ہر حال میں یہ میچ جیتنا ہے۔؎ان کا کہنا تھا کہ اللّٰہ کا شکر ادا کرتا ہوں کہ مجھے کامیابی ملی ہے، ایک اور ٹائٹل پاکستاں کے نام کیا جس پر خوش ہوں، اُمید ہے کہ 6 ریڈ ایونٹ میں ماسٹر ایونٹ سے بھی بہتر کھیل پیش ہوگا۔انہوں نے کہا کہ آئی بی ایس ایف ورلڈ 6 ریڈ کا ٹائٹل بھی پاکستاں کے نام کرنے کی کوشش کریں گے، انڈر 21 کے پلیئرز سے بھی اُمید ہے کہ وہ پاکستان کو ٹائٹل دلوائیں گے۔محمد آصف کا یہ بھی کہنا تھا کہ جب پلیئرز کو موقع ملتا ہے تو وہ پرفارم کرتا ہے، ہمیشہ کوشش ہوتی ہے کہ پاکستان کے لیے کھیلیں اور ملک کا نام روشن کریں۔