بالی ووڈ کے معروف اداکار سلمان خان کا مداحوں کے نام لکھا ایک خط سوشل میڈیا پر وائرل ہو رہا ہے۔بھارتی میڈیا کی رپورٹ کے مطابق، یہ خط سلمان خان نے خود اپنے ہاتھوں سے لکھا ہے جس میں اُنہوں نے اپنی فلم ’میں نے پیار کیا‘ کی باکس آفس پر شاندار کامیابی کے بعد اپنے مداحوں کا شکریہ ادا کیا تھا۔اُنہوں نے خط میں مداحوں سے مخاطب ہوتے ہوئے لکھا کہ سب سے پہلے تو مجھے پسند کرنے اور میرا پرستار ہونے کے لیے آپ سب کا شکریہ ادا کرنا چاہتا ہوں۔اداکار نے لکھا کہ میں پوری محنت اور لگن سے کام کررہا ہوں اور میری ساری توجہ کام پر مرکوز ہے، میں مستقبل میں بہترین اسکرپٹ کا انتخاب کروں گا کیونکہ میں جانتا ہوں کہ اب میں جو بھی فلم کروں گا تو اس کا موازنہ میری فلم ’میں نے پیار کیا‘ سے کیا جائے گا لہٰذا آپ جب بھی میری نئی فلم سے متعلق کوئی اعلان سُنیں تو یقین رکھیں کہ یہ ایک اچھی فلم ہوگی۔اُنہوں نےمزید لکھا کہ میں آپ سب سے بہت پیار کرتا ہوں اور مجھے امید ہے کہ آپ مجھ سے محبت کرتے رہیں گے کیونکہ جس دن آپ مجھ سے محبت کرنا چھوڑ دیں گے اور میری فلمیں دیکھنا چھوڑ دیں گے تو اُس دن میرے کیریئر کا اختتام ہو جائے گا، ہم اداکار آپ لوگوں کی وجہ سے ہی اسٹار بنتے ہیں۔واضح رہے کہ سلمان خان نے 1988ء میں فلم ’بیوی ہو تو ایسی‘ سے بالی ووڈ میں ڈیبیو دینے کے بعد سلمان خان کو بھارتی فلم انڈسٹری پر راج کرتے ہوئے 36 برس مکمل ہونے والے ہیں۔سلمان خان نے اپنے کیریئر کی دوسری فلم ’میں نے پیار کیا‘ میں س مرکزی کردار ادا کیا تھا اور اسی فلم سے اُنہیں شہرت ملی۔
سلمان خان کا مداحوں کے نام لکھا خط سوشل میڈیا پر وائرل



Weekly E Paper
Weekly Nawai Pakistan E Paper 13-03-2025
Posted in: E Paper 2025, News, Weekly Nawai Pakistan E PaperAll Weekly Nawai Pakistan E Paper 13-03-2025
Read More
Article
اللہ بہ نفس قران
Posted in: News, Article-
شہباز کی پرواز ، بہترین کارکردگی کا ایک سال
Posted in: News, Article -
-
-
sports
جلیبیاں بیچنے والے فٹبالر محمد ریاض کو وزیرِاعظم نے بلا لیا
Posted in: News, Sportsمعاشی تنگی کے سبب سڑک کنارے جلیبیاں بیچنے والے پاکستان کے نوجوان فٹبالر محمد ریاض کو وزیرِ اعظم شہباز شریف نے بلا لیا۔ ہنگو میں قومی فٹبالر محمد ریاض کی جلیبیاں بیچنے کی خبر ’جیو نیوز‘ پر چلائی گئی تھی جس کے بعد اب وزیرِ اعظم شہباز شریف نے فٹبالر کو وزیرِ اعظم ہاؤس بلا […]
Read More
Post your comments