Nawaipakistan.com

پاکستان شوبز انڈسٹری کی معروف اداکارہ نشو بیگم نے شادی کی پیشکش کرنے والوں کو خبردار کردیا۔نشو بیگم نے حال ہی میں ایک ویب شو کو انٹرویو دیا ہے جس میں اُنہوں نے اب دوبارہ شادی نہ کرنے کی وجہ بتا دی۔اُنہوں نے انکشاف کیا کہ مجھے لگتا ہے کہ کوئی مافوق الفطرت طاقت ہے جسے میرا شادی کرنا پسند نہیں ہے اور وہ طاقت نہیں چاہتی کہ میں شوہر کے ساتھ رہوں۔اداکارہ نے مزید کہا کہ اس لیے مجھے لگتا ہے کہ اگر میں نے شادی کر لی تو وہ جن ناراض ہو جائے گا۔اُنہوں نے کہا کہ میں کھاتی پیتی ہوں، عیش کرتی ہوں، اچھے کپڑے پہنتی ہوں،  لوگوں سے ملتی ہوں، اپنی مرضی سے سوتی ہوں اور اپنی مرضی سے اُٹھتی ہوں۔نشو بیگم نے کہا کہ شادی ایک بہت بڑی ذمہ داری ہے اور انسان کو پوری لگن سے اس رشتے کو بچانے کے لیے کام کرنا پڑتا ہے۔اُنہوں نے کہا کہ میری قسمت میں کامیاب شادی نہیں ہے اور کوئی میرے ساتھ شادی کے رشتے کو نبھانے کی کوشش کرتا ہے تو اس کا انتقال ہو جاتا ہے۔اداکارہ نے خود سے شادی کے خواہشمند مردوں کو خبردار کرتے ہوئے کہا کہ جس کو اپنی جان عزیز ہے وہ میرے ساتھ شادی نہ کرے۔واضح رہے کہ نشو بیگم کی پہلی شادی 1970ء میں انعام ربانی کے ساتھ ہوئی تھی جو زیادہ عرصہ نہیں چل سکی اور اس جوڑی کے درمیان 1976ء میں طلاق ہوگئی۔اداکارہ نے 1978ء میں مصنف تسلیم فضلی کے ساتھ دوسری شادی کی جو کہ 1982ء میں انتقال کر گئے تھے۔بعد ازاں، نشو بیگم نے 1986ء میں ہدایتکار جمال پاشا کے ساتھ شادی کی جو 2019ء میں انتقال کرگئے تھے۔