Nawaipakistan.com

تاجکستان سے تعلق رکھنے والے دنیا کے سب سے پست قامت، نامور گلوکار، سوشل میڈیا اسٹار اور بگ باس سیزن 16 کے امیدوار عبد و روزک کو اماراتی دلہن مل گئی۔فوٹو اینڈ ویڈیو شیئرنگ پلیٹ فارم انسٹاگرام پر گلوکار نے مختصر ویڈیو شیئر کرتے ہوئے 19 سالہ ’امیرہ‘ نامی اماراتی لڑکی سے اپنی منگنی کا اعلان کیا۔صرف یہ ہی نہیں بلکہ انہوں نے جلد شادی کے بندھن میں بندھنے کا بھی اعلان کردیا اور شادی کی تاریخ بھی بتادی۔دبئی میں مقیم گلوکار و باکسر نے سوشل میڈیا پر شیئر کردہ ویڈیو میں اپنے چاہنے والوں کو بتایا کہ ’اب وہ 20 برس کے ہیں اور چاہتے ہیں کہ شادی کرکے سیٹل ہوجائیں۔ اب وہ وقت آگیا ہے کیونکہ مجھے وہ لڑکی مل گئی ہے جس کی مجھے تلاش تھی، یہ بتاتے ہوئے مجھے بہت خوشی ہو رہی ہے اور سمجھ نہیں آرہا کہ میں اس خوشی کا اظہار کس طرح کروں‘۔اس کے ساتھ ہی انہوں نے منگنی کی انگوٹھی کی بھی نقب کشائی کی اور مداحوں کو بتایا کہ وہ منگنی کر رہے ہیں۔تاجکستانی گلوکار نے کیپشن میں شادی کی مزید تفصیلات لکھتے ہوئے بتایا کہ میں نے کبھی سوچا بھی نہیں تھا کہ میں اپنی زندگی میں کبھی اتنا خوش قسمت ہوں گا کہ مجھے ایک پیار کرنے والی ملے گی جو میری عزت کرے اور مشکلات میں بھی میرا ساتھ دے گی۔انہوں نے شادی کی تاریخ کا اعلان کرتے ہوئے بتایا کہ وہ شارجہ میں مقیم اماراتی لڑکی امیرہ سے 7 جولائی کو دبئی میں شادی کرنے والے ہیں۔