ایران کے مختلف علاقوں میں امریکا اور اسرائیل کے مشترکہ حملوں میں کم از کم 15 افراد شہید ہو گئے۔
مہر نیوز ایجنسی کے مطابق تہران کے مشرقی شہر پردیس میں عمارتوں کے ملبے سے 6 لاشیں نکالی گئی ہیں۔
مقامی حکام کا کہنا ہے کہ تہران کے مغربی علاقے شہریار میں 1 رہائشی علاقے پر اسرائیلی فضائی حملے میں مزید 9 افراد جان سے گئے۔
ادھر عراق کے صوبے الانبار میں ایران کی حمایت یافتہ پاپولر موبلائزیشن فورسز (پی ایم ایف) کے 45 ویں بریگیڈ ہیڈکوارٹر پر حملے میں 1 رکن شہید ہو گیا، جسے گروپ نے امریکی صہیونی کارروائی قرار دیا ہے۔
دوسری جانب اسرائیلی فوج نے دعویٰ کیا ہے کہ جنوبی لبنان میں حزب اللّٰہ کے مزید جنگجوؤں کو شہید کیا گیا ہے، تاہم مقام کی تفصیلات فراہم نہیں کی گئیں۔
اسرائیلی فوج کے مطابق شہید ہونے والے افراد اینٹی ٹینک میزائل یونٹ سے تعلق رکھتے تھے اور ایک مسجد میں موجود تھے۔
تاہم حزب اللّٰہ کی جانب سے ان ہلاکتوں کی تصدیق یا تردید نہیں کی گئی ہے۔
ایران کا کہنا ہے کہ خرم آباد ایئر پورٹ کو امریکی و اسرائیلی فضائی حملے میں نشانہ بنایا گیا ہے تاہم کوئی جانی نقصان نہیں ہوا۔
ایرانی سرکاری میڈیا کے مطابق مغربی ایران کے شہر خرم آباد میں واقع ایئر پورٹ کو آج ایک فضائی حملے میں نشانہ بنایا گیا، تاہم حملے میں کوئی جانی نقصان نہیں ہوا۔
سرکاری خبر رساں ادارے نے صوبہ لورستان کے ایک عہدیدار کے حوالے سے بتایا کہ خرم آباد میں شہید اشرفی اصفہانی ایئر پورٹ کو ہدف بنایا گیا۔
سرکاری خبر رساں ادارے کے مطابق اس حملے کے نتیجے میں کسی قسم کا جانی نقصان نہیں ہوا۔
دریں اثناء امریکی صدر کی ایرانی شہری انفرااسٹرکچر تباہ کرنے کی دھمکی کے بعد اسرائیل نے ایرانیوں کو ٹرین سے سفر کرنے سے خبردار کر دیا۔
دوسری جانب اسرائیلی فوج کا کہنا ہے کہ انہوں نے ایران میں ایک اور پیٹرو کیمیکل کمپلیکس کو نشانہ بنایا ہے۔
اس سے قبل ایرانی سرکاری میڈیا نے یہ بھی رپورٹ کیا تھا کہ امریکی اور اسرائیلی حملوں سے سیلسیلہ اور ڈیلفان کاؤنٹیوں کے دیہی علاقوں میں مواصلاتی نظام کو بھی نقصان پہنچا ہے، جس کے نتیجے میں ٹیلی کمیونیکیشن سروسز متاثر ہوئی ہیں۔
ایرانی دارالحکومت تہران کی فضا میں لڑاکا طیاروں کی پروازیں دیکھی گئی ہیں۔
عرب میڈیا کا کہنا ہے کہ رپورٹس کے مطابق تہران میں کم از کم 3 زوردار دھماکے سنے گئے، جس سے شہریوں میں خوف و ہراس پھیل گیا۔
ایرانی میڈیا کے مطابق ایران کے صوبے لورستان میں خرم آباد ایئر پورٹ کو امریکی اور اسرائیلی حملے میں نشانہ بنایا گیا، تاہم ہلاکتوں یا زخمیوں کی تفصیلات ابھی سامنے نہیں آئی ہیں۔
دوسری جانب ایران کے مختلف علاقوں میں امریکا اور اسرائیل کے مشترکہ حملوں میں کم از کم 15 افراد شہید ہو گئے۔
مہر نیوز ایجنسی کے مطابق تہران کے مشرقی شہر پردیس میں عمارتوں کے ملبے سے 6 لاشیں نکالی گئی ہیں۔
مقامی حکام کا کہنا ہے کہ تہران کے مغربی علاقے شہریار میں 1 رہائشی علاقے پر اسرائیلی فضائی حملے میں مزید 9 افراد جان سے گئے۔
Post your comments