امریکا کے صدر ڈونلڈ ٹرمپ نے کہا ہے کہ روسی صدر پیوٹن کی رہائش گاہ پر یوکرینی حملے کا سُن کر بہت برا لگا۔
اس حوالے سے ڈونلڈ ٹرمپ نے کہا کہ یوکرینی حملے کا سن کر مجھے بہت غصہ آیا، روسی صدر پیوٹن سے اچھی بات چیت ہوئی ہے تاہم یوکرین میں امن کے لیے ابھی کچھ پیچیدہ مسائل ہیں۔
اس سے قبل روس نے یوکرین پر صدر ولادیمیر پیوٹن کی سرکاری رہائش گاہ پر حملے کا الزام لگایا تھا۔
خبر رساں ایجنسی کے مطابق روس نے الزام عائد کیا ہے کہ یوکرین نے نووگورود ریجن میں صدر پیوٹن کی رہائش گاہ پر حملہ کیا۔ حملے کے وقت صدر پیوٹن کے رہائش گاہ پر موجود ہونے کا نہیں بتایا گیا۔
روسی وزیر خارجہ سرگئی لاؤروف نے کہا ہے کہ یوکرین نے صدر پیوٹن کی رہائش گاہ کو نشانہ بنانے کی کوشش کی، یوکرین نے 28 اور 29 دسمبر کے درمیان رہائش گاہ پر 91 لانگ رینج ڈرونز فائر کیے۔
امریکی صدر ڈونلد ٹرمپ کا روسی صدر پیوٹن سے ٹیلیفونک رابطہ ہوا ہے۔
اس حوالے سے روسی صدارتی محل کریملن کے مطابق صدر ٹرمپ اور ان کے مشیروں نے صدر پیوٹن کو یوکرین سے ہونےوالی بات چیت کے بارے میں آگاہ کیا۔
کریملن کا کہنا ہے کہ صدر پیوٹن نے اپنی رہائش گاہ پر یوکرینی حملے کا بتایا تو ٹرمپ بہت حیران ہوئے، پیوٹن نے امن کے حصول کے لیے امریکا کے ساتھ کام جاری رکھنے کا بتایا۔
کریملن کے مطابق صدر پیوٹن نے یوکرینی حملے کے بعد روس کے مؤقف پر نظرثانی کرنے سے بھی آگاہ کیا۔
دوسری جانب وائٹ ہاؤس کا کہنا ہے کہ صدر ڈونلڈ ٹرمپ کی روسی صدر پیوٹن سے مثبت بات چیت ہوئی ہے۔
روس نے صدر ولادیمر پیوٹن کی سرکاری رہائش گاہ پر یوکرینی حملے کا الزام عائد کیا ہے۔ ماسکو سے خبر ایجنسی کے مطابق روس نے الزام لگایا کہ یوکرین نے نووگورود ریجن میں واقع صدر پیوٹن کی رہائش گاہ پر حملہ کیا۔
خبر ایجنسی کے مطابق یوکرینی حملے کے بعد روس نے امن بات چیت جاری رکھنے پر نظرثانی کا فیصلہ کیا ہے۔ حملے کے وقت صدر پیوٹن کے رہائش گاہ پر موجود ہونے کا نہیں بتایا گیا۔
اس حوالے سے روسی وزیر خاجہ سرگئی لاوروف نے کہا کہ یوکرین نے صدر پیوٹن کی رہائش گاہ کو نشانہ بنانے کی کوشش کی۔ روس کا کہنا ہے کہ یوکرین نے 28 اور 29 دسمبر کے درمیان رہائش گاہ پر 91 لانگ رینج ڈرونز فائر کیے۔
روسی وزیر خارجہ سرگئی لاروف کے مطابق یوکرین کے فائر کیے گئے تمام 91 ڈرونز مار گرائے۔ سرگئی لاروف نے کہا کہ یوکرین کا حملہ ریاستی دہشت گردی ہے، یوکرین کے ایسے غیر ذمہ دارانہ اقدامات کا جواب ضرور دیا جائے گا۔
انھوں نے کہا کہ یوکرین کا حملہ ممکنہ امن معاہدے کی بات چیت کے دوران کیا گیا۔ سرگئی لاروف نے کہا کہ امن بات چیت سے متعلق روس کے مؤقف کا ازسر نو جائزہ لیا جائے گا، روس امن بات چیت سے باہر نہیں نکلے گا۔
خبر ایجنسی کے مطابق یوکرینی صدر زیلنسکی نے روسی صدر کی رہائش گاہ پر حملے کا الزام جھوٹ قرار دے دیا۔ انھوں نے کہا روس امن بات چیت کو خراب کرنا چاہتا ہے۔
یوکرینی صدر زیلنسکی کا مزید کہنا تھا کہ روس یوکرین کی سرکاری عمارتوں پر حملے کا جواز بنا رہا ہے، امریکا کو روس کی دھمکیوں پر ردعمل دینا چاہیے۔
وزیر اعظم شہباز شریف نے روس کے صدر ولادیمیر پیوٹن کی رہائش گاہ کو نشانہ بنائے جانے کی مذمت کی ہے۔
ایک بیان میں وزیر اعظم نے کہا کہ اس طرح کے گھناؤنے حملے امن اور استحکام کے لیے خطرہ ہیں، خاص طور پر ایسے وقت میں جب امن کے لیے کوششیں کی جا رہی ہیں۔
انہوں نے کہا کہ پاکستان روس کے صدر، حکومت اور عوام کے ساتھ یکجہتی کا اظہار کرتا ہے۔
وزیر اعظم کا یہ بھی کہنا تھا کہ ہم سلامتی اور امن کو خطرے میں ڈالنے والے تمام تشدد کے تمام طریقوں کو مسترد کرتے ہیں۔
Post your comments