لاہور کے علاقے ڈیفنس میں اداکارہ نرگس کو ان کے شوہر انسپکٹر ماجد بشیر نے مبینہ طور پر تشدد کا نشانہ بنایا ہے۔
پولیس کے مطابق میاں بیوی میں پیسوں کے تنازع پر جھگڑا ہوا تھا۔پولیس کا کہنا ہے کہ جھگڑے کے بعد اداکارہ نرگس رات کو تھانے آئیں لیکن انہوں نے مقدمے کے اندراج کی ابھی تک کوئی درخواست نہیں دی ہے۔پولیس نے بتایا ہے کہ نرگس کے بھائی کا الزام ہے کہ بہنوئی روزانہ اُن کی بہن پر تشدد کرتا ہے۔پولیس کا کہنا ہے کہ اداکارہ نرگس کے بھائی یا دیگر اہلِ خانہ میں سے کسی کی جانب سے بھی ابھی تک مقدمے کی کوئی درخواست موصول نہیں ہوئی ہے، اگر کوئی درخواست موصول ہوئی تو قانون کے مطابق کارروائی کی جائے گی۔یاد رہے کہ اداکارہ نرگس نے چند برس پہلے انسپکٹر ماجد بشیر سے شادی کی تھی۔شادی کے بعد انہوں نے شوبز کی دنیا کو خیر باد کہہ دیا تھا اور اب اداکارہ اپنا بیوٹی سیلون چلا رہی ہیں۔
ویمن پروٹیکشن اتھارٹی کی چیئرپرسن حنا پرویز بٹ نے اداکارہ نرگس سے ملاقات کرکے انہیں قانونی مدد فراہم کرنے کی یقین دہانی کروائی ہے۔
لاہور کے علاقے ڈیفنس میں اداکارہ نرگس کو ان کے شوہر انسپکٹر ماجد بشیر نے مبینہ طور پر تشدد کا نشانہ بنایا۔پولیس کے مطابق میاں بیوی میں پیسوں کے تنازع پر جھگڑا ہوا تھا، جس کے بعد اداکارہ نرگس رات کو تھانے آئیں لیکن انہوں نے مقدمے کے اندراج کی ابھی تک کوئی درخواست نہیں دی ہے۔ویمن پروٹیکشن اتھارٹی کی چیئرپرسن حنا پرویز بٹ نے اداکارہ نرگس سے ملاقات کی اور کہا کہ اداکارہ نرگس کے ساتھ ایک پروٹیکشن افسر کو تعینات کردیا۔حنا پرویز بٹ نے کہا کہ اداکارہ نرگس کو قانونی مدد فراہم کرنے کےلیے ہر ممکن تعاون کیا جائے گا، خواتین پر گھریلو تشدد سنگین مجرمانہ فعل ہے، ویمن پروٹیکشن اتھارٹی خواتین پر تشدد پر سمجھوتہ نہیں کرے گی۔چیئرپرسن ویمن پروٹیکشن اتھارٹی نے کہا کہ یہ کوئی معمولی بات نہیں، ملزم کو سزا دلوائی جائے گی۔
Post your comments