Nawaipakistan.com

بلوچستان کے بیشتر اضلاع میں گزشتہ 24 گھنٹوں کے دوران موسم شدید سرد رہا۔

محکمہ موسمیات کے مطابق گزشتہ 24 گھنٹوں کے دوران کوئٹہ میں کم سے کم درجہ حرارت منفی 4 ڈگری سینٹی گریڈ ریکارڈ ہوا۔

این ڈی ایم اے کا ملک میں شدید سردی سے متعلق الرٹ جاری

محکمہ موسمیات نے بتایا کہ زیارت میں کم سے کم درجہ حرارت منفی 9 ڈگری سینٹی گریڈ ریکارڈ ہوا۔

علاوہ ازیں، قلات شہر اور اس کے گردونواح میں بھی موسم شدید سرد ہے۔

محکمہ موسمیات کے مطابق قلات میں کم سے کم درجہ حرارت منفی 8 ڈگری سینٹی گریڈ ریکارڈ ہوا۔

قلات میں روز 18 گھنٹے بجلی کی لوڈشیڈنگ اور گیس کی قلت سے شہریوں کو شدید مشکلات کا سامنا کرنا پڑ رہا ہے۔

کراچی میں آئندہ 24 گھنٹوں کے دوران موسم خشک اور رات میں خنکی برقرار رہنے کا امکان ہے۔

محکمہ موسمیات کے مطابق شہر میں کم سے کم درجہ حرارت 12 سے 14 ڈگری سینٹی گریڈ جب کہ زیادہ سے زیادہ درجہ حرارت 24 سے 26 ڈگری سینٹی گریڈ رہنے کا امکان ہے۔

کراچی میں جاڑے کے ڈیرے، پارہ سنگل ڈیجٹ میں جانے کا امکان

محکمہ موسمیات نے بتایا کہ شہر میں شمال مشرق سے 11 کلو میٹر فی گھنٹہ کی رفتار سے ہوائیں چل رہی ہیں جن میں نمی کا تناسب 63 فیصد ہے۔

محکمہ موسمیات کے مطابق کراچی میں گزشتہ 24 گھنٹوں کے دوران کم سے کم درجہ حرارت 14.2ڈگری سینٹی گریڈ ریکارڈ ہوا۔

محکمہ موسمیات نے شہر میں ہفتے اور اتوار کو پارہ سنگل ڈیجٹ میں جانے کا امکان بھی ظاہر کیا ہوا ہے۔