دبئی :ڈی پی ورلڈ انٹرنیشنل لیگ سیزن 3 میں متحدہ عرب امارات کے کھلاڑیوں کے لئے کھلاڑیوں کے انتخاب دبئی میں منعقد ہوا۔رواں سال ٹورنامنٹ میں شریک 6 ٹیموں نے 12 کھلاڑیوں کا انتخاب جس میں 9 کا تعلق پاکستان سے ہے۔ ابوظہبی نائٹ رائیڈرز نے شاہد اقبال بھٹہ اور ابرار احمد کو چنا ہے ۔ شاہد اقبال بھٹہ اور ابرار احمد نے ڈی پی ورلڈ آئی ایل ٹی 20 ڈیویلپمنٹ ٹورنامنٹ 2024 میں بھی متاثر کن کارکردگی کا مظاہرہ کیا تھا، بھٹہ نے آئی ایل ٹی 20 پرلز کی نمائندگی کرتے ہوئے 7 اننگز میں 6 وکٹیں حاصل کیں جبکہ ابرار احمد نے دبئی کیپیٹلز ڈیویلپمنٹ کی جانب سے صرف 4 میچوں میں 6 وکٹیں حاصل کیں۔خزیمہ بن تنویر ڈیزرٹ وائپرز ڈیویلپمنٹ کا حصہ تھے وہ وائپرزاسکواڈ کا حصہ بن گئے ہیں دبئی کیپیٹلز نے فرحان خان اور ذیشان نصیر کو ڈیویلپمنٹ ٹورنامنٹ میں بالترتیب 8 اور 10 وکٹوں کے ساتھ بہترین کارکردگی کی بنیاد پر منتخب کیا ہے۔ سیزن 1 کی چیمپیئن گلف جائنٹس نے گلف جائنٹس ڈویلپمنٹ کے لئے شاندار کارکردگی کے بعد محمد صغیر خان اور ڈی پی ورلڈ آئی ایل ٹی 20 ڈیویلپمنٹ ٹورنامنٹ 2024 میں آئی ایل ٹی 20 پرلز کے لئے 16 وکٹیں حاصل کرنے والے محمد عزیر خان کو اپنے ٹیم کا حصہ بنایا ہے۔دفاعی چیمپیئن ایم آئی ایمریٹس نے ڈی پی ورلڈ آئی ایل ٹی 20 ڈیویلپمنٹ ٹورنامنٹ 2024 میں آئی ایل ٹی 20 پرلز کے ساتھ کام کرنے کے بعد متحدہ عرب امارات کے تجربہ کار فاسٹ بولر ظہور خان کو دوبارہ منتخب کیا ہے جس میں انہوں نے اتنے ہی میچوں میں پانچ وکٹیں حاصل کیں۔ متحدہ عرب امارات کے سابق کپتان روہان مصطفی شارجہ واریئرز کی نمائندگی کریں گے۔ روہان مصطفی ڈی پی ورلڈ آئی ایل ٹی 20 ڈیویلپمنٹ ٹورنامنٹ 2024 میں آئی ایل ٹی 20 پرلز کے لئے اپنی مضبوط فارم کو برقرار رکھنے کی کوشش کریں گے جس میں انہوں نے سات اننگز میں 149 رنز بنائے تھے۔
Post your comments