اسرائیل کے صدر ہرزوگ نے نیتن یاہو کے حریف آئزن کوٹ کو حکومت بنانے کی دعوت دیدی۔
غزہ میں نسل کشی اور ایران جنگ چھیڑنے والے نیتن یاہو حکومت بنانے کی دوڑ سے باہر ہوگئے ہیں۔
اسرائیلی اخبار کے مطابق اسرائیل کے صدر نے کہا ہے کہ اگر حکومت بنانے کی کوششیں ناکام ہوئیں تو کینیسٹ کو توڑ دیا جائے گا اور دوبارہ الیکشن کرائے جائیں گے۔
نیتن یاہو نے مطالبہ کیا تھا کہ یونٹی گورنمنٹ بنائی جائے تاہم صدر نے یہ مطالبہ ماننے سے انکار کردیا۔
حکومت بنانے کے لیے درکار ووٹ حاصل کرنے میں ناکام نیتن یاہو نے دعویٰ کیا تھا کہ اسلام پرستوں سے اپوزیشن کا اتحاد اسرائیل کے مستقبل اور سیکیورٹی کے لیے خطرات کا سبب بنے گا۔
67 قانون سازوں نے آئزن کوٹ کی حمایت کی تھی جبکہ نیتن یاہو کو صرف 46 قانون سازوں کی حمایت حاصل ہوپائی تھی۔
اسرائیلی وزیراعظم نیتن یاہو حکومت کا قیام روکنے کے لیے متحرک ہیں۔
اسرائیلی میڈیا رپورٹس کے مطابق نیتن یاہو نے نئے ویڈیو بیان میں نئی ممکنہ حکومت کو اسرائیلی سلامتی کے لیے خطرہ قرار دے دیا۔
ان کا کہنا ہے کہ اسرائیلی انتخابات میں جیتنے والے عرب رہنما حماس کے حامی ہیں۔
نیتن یاہو نے کہا کہ مجوزہ حکومت نہ ایران پر سخت مؤقف لے سکے گی، نہ اسرائیلی فوجیوں کا مؤثر دفاع کرسکے گی۔
انہوں نے دعویٰ کیا کہ مجوزہ حکومت کے ایک تہائی ارکان اسرائیلی فوجیوں کو جنگی مجرم قرار دیتے ہیں۔
اسرائیلی وزیراعظم نے یہ بھی کہا کہ ملک کو سیاسی تقسیم کے بجائے متحد ہونے کی ضرورت ہے۔
واضح رہے کہ اسرائیلی صدر ہرزوگ نے نیتن یاہو کے حریف آئزن کوٹ کو حکومت بنانے کی دعوت دے دی جبکہ غزہ میں نسل کشی اور ایران جنگ چھیڑنے والے نیتن یاہو حکومت بنانے کی دوڑ سے باہر ہوگئے۔
