آبنائے ہرمز کی بندش کے بعد ملک میں پیٹرول اور ڈیزل فروخت میں کفایت شعاری منصوبہ شروع کر دیا گیا۔
پیٹرولیم ڈیلرز ایسوسی ایشن کے رہنما سمیر حسین نے کہا ہے کہ تیل کمپنیز نے پیٹرول پمپس کو مرضی سے خریداری روک دی ہے۔
سمیر حسین نے مزید کہا ہے کہ گزشتہ ماہ تیل فروخت اوسط کے حساب سے تیل سپلائی کی جا رہی ہے۔
آبنائے ہرمز سے گزرنے والے جہازوں کی انشورنس لاگت 12 گنا بڑھ گئی: برطانوی اخبار
سمیر حسین نے یہ بھی کہا ہے کہ پی ایس او پمپس کو فروری کی اوسط سیل کے حساب سے تیل دے رہی ہے۔
اس حوالے سے توانائی ماہرین کا کہنا ہے کہ آبنائے ہرمز بند ہونے کے سبب یہ حکمت عملی مناسب ہے۔
دوسری جانب ایران اسرائیل جنگ کے دوران اتوار کے بعد سے7 آئل ٹینکروں کو آبنائے ہرمز اور اس کے اطراف میں نشانہ بنایا جا چکا ہے۔
وزیر خزانہ محمد اورنگزیب کی زیر صدارت پیٹرول کی قیمتوں کی نگرانی کیلئے قائم کمیٹی کا اجلاس ہوا، جس میں بتایا گیا کہ پیٹرولیم مصنوعات موجود ہیں اور فوری طور پر کسی بحران کا خدشہ نہیں۔
اجلاس سے متعلق اعلامیہ میں وزارت خزانہ کا کہنا ہے کہ کمیٹی نے توانائی کے شعبے کی ترقیات اور قومی تیاریوں کی صورتحال کا جائزہ لیا۔
اجلاس کے دوران کمیٹی کو بریفنگ دیتے ہوئے بتایا گیا کہ پیٹرولیم مصنوعات موجود ہیں اور فوری طور پر کسی بحران کا خدشہ نہیں۔
آبنائے ہرمز بند، ملک میں پیٹرول و ڈیزل فروخت میں کفایت شعاری منصوبہ شروع
وزارت خزانہ کے مطابق اجلاس میں صوبوں کے درمیان ہم آہنگی بڑھانے کی ضرورت پر زور دیا گیا۔
اجلاس میں کہا گیا کہ ہم آہنگی بڑھانے سے توانائی فراہمی بارے قومی پالیسیوں کیساتھ اتفاق رائے قائم کیا جائے۔
وزارت خزانہ کے مطابق جامع عملدرآمد منصوبہ تیار کیا جائے گا جو قلیل اور طویل مدتی چیلنجز کا سامنا کرے گا۔
عوامی آگاہی مہم شروع کی جائیں تاکہ توانائی کی بچت اور مؤثر استعمال کی تعلیم دی جاسکے۔
اعلامیہ میں کہا گیا کہ مستقل مانیٹرنگ کے لیے خصوصی ٹاسک فورس کا قیام عمل میں لایا جائے گا۔
Post your comments