لاہور کے مختلف علاقوں میں دھند کے باعث لاہور کا فلائٹ آپریشن 8 گھنٹے سے بند ہے، جبکہ 4 پروازیں اسلام آباد اتار لی گئیں۔
لاہور سے دبئی، ابوظہبی، جدہ کراچی کی پروازیں منسوخ کردی گئیں۔
دھند کے باعث اندرون اور بیرون ملک کی پروازوں کا شیڈول متاثر ہوا ہے۔
دھند کے باعث شہر کے مختلف علاقوں میں ٹریفک کی روانی بھی متاثر ہوئی ہے۔
ایم 2 بلکسر سے کوٹ مومن تک بجانب لاہور بند، موٹر وے ایم 3 فیض پور سے رجانہ تک دھند کی وجہ سے بند ہے۔
لاہور کے مختلف علاقوں میں دھند چھا جانے کی وجہ سے ٹریفک کی روانی متاثر ہوئی ہے۔
ایم 2 بلکسر سے کوٹ مومن تک بجانب لاہور بند ہے، موٹر وے ایم 3 فیض پور سے رجانہ تک دھند کی وجہ سے بند ہے۔
اسی طرح موٹر وے ایم 4 پنڈی بھٹیاں سے گوجرہ تک اور بڑی گاڑیوں کے لیے ایم 4 پنڈی بھٹیاں سےعبدالحکیم تک بند ہے۔
سیالکوٹ موٹر وے ایم 11 بھی دھند کی وجہ سے بند کردی گئی۔
بلوچستان میں آج سے بارش اور برفباری کا نیا سلسلہ شروع ہوگا، قومی شاہراہوں پر ممکنہ برفباری کے پیش نظر این ایچ اے بلوچستان نے اپنی تمام تیاریاں مکمل کرلی ہیں۔
جنرل منیجر این ایچ اے آغار عنایت نے کوئٹہ میں پریس کانفرنس کرتے ہوئے کہا کہ محکمہ موسمیات نے صوبے کے بیشتر اضلاع میں آج سے بارش اور برفباری کے نئے اسپیل کی پیشگوئی کردی ہے۔
بلوچستان میں کوئٹہ -چمن،کچلاک -مسلم باغ،قلات -کوئٹہ، مچ -کوئٹہ اور لک پاس -کانک سیکشنز میں برفباری ہوتی ہے، ان تمام سیکشنز پر این ایچ اے کے18 کیمس قائم کئے ہیں، جہاں برف ہٹانے والی مشینری اور تربیت یافتہ اسٹاف 24 گھنٹےتعینات رہیگا۔
جی ایم کا کہنا ہے کہ برفباری کی صورتحال میں مشینری حرکت میں آتی ہے اور شاہراہ پر نمک پاشی بھی کرتے ہیں، عوام سے گزارش ہے کہ بارش اور برفباری کے موسم میں احتیاط کریں اوور اسپیڈنگ نہ کریں۔
Post your comments