قومی اسمبلی کی 18 سیٹوں پر جیتے ہیں، آج سے احتجاج کریں گے، حافظ نعیم

میر جماعت اسلامی کراچی حافظ نعیم الرحمان  کا کہنا ہے کہ قومی اسمبلی کی 18 سیٹوں پر جماعت اسلامی اور آزاد جیتے ہیں، ہم پرامن احتجاج پر یقین رکھتے ہیں، ہم آج سے احتجاج شروع کریں گے۔کراچی میں پریس کانفرنس کرتے ہوئے حافظ نعیم الرحمان نے کہا کہ آزاد امیدوار کو ووٹ دے کر لوگوں نے اپنے غصے کا اظہار کیا ہے، آزاد امیدوار بھی ہمارےاحتجاج میں شامل ہو سکتے ہیں۔ انہوں  نے کہا کہ جماعت اسلامی نے شہر میں سب سے زیادہ ووٹ لیے،  فارم 45 کا سلسلہ روک دیا گیا پوری رات کارکن انتظار کرتے رہے، اس وقت جو فارم 45 ملا اس میں بدترین تبدیلی کی گئی۔حافظ نعیم الرحمان نے کہا کہ عوامی مینڈیٹ کی توہین کی گئی، پورے پاکستان نے بتا دیا عوامی رائے کو انجینیئرنگ سے بدلا نہیں جا سکتا، ہمارے سامنے الیکشن کمیشن ہے، ان کے پیچھے کون ہے یہ وہی بتا سکتے ہیں۔امیر جماعت اسلامی کراچی نے کہا کہ  آزاد امیدوار اور ہمارے درمیان مقابلہ تھا، پی ایس91 پر ہم نے کامیابی حاصل کی دوسرے نمبر پر ایم کیو ایم تھی، ہمیں فارم 47 موصول ہوگیا، ایم کیو ایم نے صرف 5 ہزار ووٹ حاصل کیے تھے۔حافظ نعیم الرحمان نے مزید کہا کہ ایم کیو ایم شہر سے فارغ ہوگئی اور عوام نے مسترد کر دیا ہے، کبھی میئر کے ووٹ پر قبضہ، کبھی صوبائی، قومی اسمبلی کے مینڈیٹ پر قبضہ ہوتا ہے، پوری قوم کو پیغام دیا ہے آپ کے ووٹ کی حیثیت نہیں ہے۔انہوں نے کہا کہ کراچی نے 5 فیصد ووٹ بھی ایم کیو ایم کو نہیں دیا، لیکن آج انہیں ہم پر مسلط کیا جا رہا ہے۔

About the author /


Related Articles

Post your comments

Your email address will not be published. Required fields are marked *

Newsletter