بالی ووڈ کے سینئر اداکار گوندا کی اہلیہ سنیتا آہوجا نے خواتین اور جنریشن زی سے حمایت کی اپیل کرتے ہوئے کہا کہ میرا گھر بلاوجہ ٹوٹ رہا ہے۔ سنیتا نے گووندا اور کومل رانی کے مبینہ افیئر کی افواہوں کے حوالے سے ایک بار پھر اپنی ازدواجی زندگی کے مشکل حالات پر کھل کر بات کی۔
کولکتہ کے قریب واقع تاریخی مندر میں اپنی ذاتی زندگی کے بارے میں جذباتی انداز میں گفتگو کرتے ہوئے خواتین، نوجوانوں اور میڈیا سے اپیل کی کہ وہ اس مشکل وقت میں ان کا ساتھ دیں۔
واضح رہے کہ گووندا اور کومل رانی کے درمیان مبینہ تعلقات کی خبریں ابھی تک غیر مصدقہ ہیں۔ نہ تو گووندا اور نہ ہی کومل رانی نے عوامی طور پر کسی افیئر کی تصدیق کی ہے۔ سنیتا نے اپنی زندگی میں جاری پریشانیوں کے خاتمے کے لیے دعا کی اور کہا امید ہے یہاں آنے کے بعد ان کی ذاتی زندگی میں جاری مسائل جلد ختم ہوں گے۔
ان کے یہ بیانات ایسے وقت میں سامنے آئے ہیں جب گووندا کے ساتھ ان کی شادی شدہ زندگی ایک بار پھر میڈیا کی توجہ کا مرکز بنی ہوئی ہے۔
سنیتا نے اس تنازع پر بات کرنے والوں سے اپیل کرتے ہوئے کہا کہ لوگ ان کا ساتھ دیں اور اس معاملے کو مزید تشہیر کا ذریعہ نہ بنائیں۔ سنیتا نے میڈیا کے نمائندوں سے بھی اپیل کی کہ وہ ذرا سوچیں کہ اگر ایسی ہی صورتحال ان کے اپنے خاندان میں پیش آتی تو وہ کس طرح کا ردِعمل دیتے۔
گووندا اور کومل رانی کے درمیان تعلقات کی افواہیں اس وقت سامنے آئیں جب رواں سال دونوں ممبئی ایئرپورٹ پر ایک ساتھ سفر کرتے ہوئے نظر آئے۔ کومل، گووندا کے ساتھ فلم روپا میں کام کر رہی ہیں۔
گووندا اور سنیتا نے 1987 میں شادی کی تھی اور ان کے دو بچے ہیں، بیٹی ٹینا آہوجا اور بیٹا یش وردھن آہوجا۔بالی ووڈ اداکار گووندا، اُن کی اہلیہ سنیتا آہوجا اور مبینہ گرل فرینڈ کومل رانی سوارنکر کے درمیان تنازع میں شدت آگئی ہے۔
بھارتی میڈیا رپورٹ کے مطابق کومل رانی نے کئی دنوں سے خبروں کی زنیت بن رہے معاملے میں بالآخر خاموشی توڑ دی اور سنیتا آہوجا کو کرارا جواب دے دیا۔
مداحوں نے گووندا کی تعلیمی قابلیت میں دلچسپی ظاہر کردی
سنیتا آہوجا نے گزشتہ روز اپنے ’ ٹوٹتے گھر‘ کو بچانے کی عوامی اپیل کی گئی تھی، جس کے بعد رانی سوارنکر نے سوشل میڈیا سائٹ انسٹاگرام پر ردعمل دیا ہے۔
کومل رانی نے اگرچہ اپنے بیان میں کسی کا نام نہیں لیا لیکن ان کے بیان سے صاف ظاہر ہوتا ہے کہ اُن کا اشارہ سنیتا آہوجا کی طرف ہے۔
گووندا کی مبینہ گرل فرینڈ نے سنیتا آہوجا پر اپنے شوہر کو ذہنی طور پر ہراساں کرنے، کام سے روکنے اور عوامی ہمدردی حاصل کرنے کے الزام عائد کیے۔
انہوں نے کہا کہ جو عورت اپنے شوہر کو جان سے مارنے کی کوشش کرے، ایسی عورتوں کی بدعائیں نہیں لگتیں، پہلے سے ٹوٹے ہوئے گھر کو کوئی بھی نہیں توڑ سکتا۔
کومل رانی سوارنکر نے اس تنازع میں بلاوجہ اپنے نام کے غلط استعمال پر سخت ہدایت کی اور اعتراض اٹھایا۔
آج کل بالی ووڈ میں گووندا اور کومل رانی سوارنکر کے تعلقات کی افواہیں گرم ہیں جبکہ اداکار کی اہلیہ کو جب بھی موقع ملتا ہے وہ دونوں پر طنز کے تیر چلانے کا کوئی موقع ہاتھ سے جانے نہیں دیتی ہیں۔
